Mamlakatimiz Prezidenti Shavkat Mirziyoyevning qo‘shni Qozog‘iston Respublikasi bilan hamkorlik borasida olib borayotgan amaliy ishlari natijasida barcha sohalarda hamkorlik yo‘lga qo‘yilmoqda.
O‘zbekistonda Qozog‘iston yili munosabati bilan ushbu mamlakatda faoliyat olib borayotgan "Uaqip" (Vaqf) fondi rahbari joriy yilning 25 fevral kuni O‘zbekiston musulmonlari idorasiga tashrif buyurdi.
"Uaqip" Qozog‘iston fondining prezidenti Qayrat Azimovni "Vaqf" xayriya jamoat fondi rahbari Iskandar Xalilov kutib oldi. Ikki tomon o‘rtasida o‘tkazilgan uchrashuvda fondlar tomonidan amalga oshirilayotgan amaliy ishlar, loyihalar xususida fikr almashildi. O‘zaro hamkorlikning yo‘nalishlari belgilab olindi.
Tashrif davom etmoqda.
Ma’lumot uchun, mamlakatimizda "Vaqf" xayriya jamoat fondi tomonidan olib borilayotgan amaliy ishlar natijasida ko‘plab o‘ksik ko‘ngillarga shodlik olib kirilmoqda.
"Vaqf" xayriya jamoat fondi Matbuot xizmati
Oisha roziyallohu anhodan rivoyat qilinadi:
U kishi aytadilar: Bir kampir Nabiy sollallohu alayhi vasallamning huzurlariga keldi. U zot mening huzurimda edilar.
Rasululloh sollallohu alayhi vasallam unga: — «Siz kimsiz?» — dedilar. U: — «Men Jusama al-Muzaniyyaman», — dedi.
Rasululloh sollallohu alayhi vasallam: — «Yo‘q, siz — Hasona al-Muzaniyyasiz! O‘zingiz qandaysiz? Ahvollaringiz qanday? Biz ketgandan keyin qanday yashayapsizlar?» — dedilar. U: — «Yaxshimiz, otam va onam sizga fido bo‘lsin, ey Rasululloh sollallohu alayhi vasallam», — dedi.
Kampir chiqib ketgach, men dedim: — «Yo Rasululloh, shu kampirga bunchalik iliq munosabat ko‘rsatmasangiz?» Shunda u zot: — «U Xadicha zamonida uyimizga kelib turar edi. Eski tanishlar bilan chiroyli muomala qilish iymondandir», dedilar.
Homidjon qori ISHMATBЕKOV