Rasululloh sollallohu alayhi vasallam dedilar:
«Do'zax Robbiga shikoyat qilib, «Robbim, ich-etim bir-birini eb yuboryapti», dedi. Shunda U Zot unga ikki nafasga – qishda bir nafasga, yozda bir nafasga izn berdi. Siz duch keladigan eng shiddatli issiq va eng shiddatli sovuq ana shundandir» (Ibn Moja rivoyati).
Quyosh qizdirgan, jazirama issiq kunda qayta tirilish kunini esla va Allohdan Arshining soyasini, shifti ostidagi maqomni so'ra!
Allohim! Kunduzlari soim, kechalari qoim bo'lishda, ko'zni tiyish, tilni saqlashda bizga O'zing yordamchi bo'l!
Issiq havoga sabr qilsang, yomonliklaring o'chiriladi.
– Agar issiqqa sabr qilib, savob umid qilsang, Alloh yaxshiligingni ziyoda qilib beradi.
– Agar Alloh issiqni taqdiringga bitgan ekaniga rozi bo'lsang, U Zot ham sendan rozi bo'ladi.
– Agar issiqda ro'za tutsang, mashaqqatingga yarasha ro'zangni ham savobi oshadi.
– Agar issiqda masjidga borsang, salqin havoda borgandan ko'ra ko'proq savobga erishasan.
Endi o'ylab ko'rgin, shunday ulkan savoblari bor ekan, nega bu issiqdan buncha diqqinafas bo'lasan?
arabicuz
#xabar #muftiy #juma
Bugun, 18 iyul kuni O‘zbekiston musulmonlari idorasi raisi muftiy, Shayx Nuriddin Xoliqnazar hazratlari juma namozini Toshkent shahridagi "Yakkasaroy" jome masjidida ado qildilar.
Muftiy hazratlari jamoat namozidan oldin yig‘ilganlarga “O‘zganing haqqidan hazar qilaylik!” mavzusida manfaatli suhbat qilib berdilar.
Mav’izada bugungi kunda birovning molini noto‘g‘ri yo‘l bilan yeyish va o‘zganing xaqqiga xiyonat qilishdek og‘ir gunohlar, jumladan, qarzini qaytarmaslik, tarozidan urish, mualliflik huquqini poymol qilish, poraxo‘rlik, qimorbozlik, firibgarlik kabi illatlardan hazar qilish lozimligini qat’iy ta’kidladilar.
Shayx Nuriddin Xoliqnazar hazratlari Qur’oni karimdagi: “Ey, imon keltirganlar! Mol-mulklaringizni o‘rtada nohaq (yo‘llar) bilan yemangiz!...” (Niso surasi, 29) oyatini sharhlash asnosida Alloh taolo insoniyatni Yer yuzida halol rizq talab qilishga amr etgani, uning aksi bo‘lmish haromdan hazar qilishga buyurgani hamda halol va harom narsalarni ochiq bayon qilganini aytib o‘tdilar.
Suhbat yakunida Haq taolodan elu yurtimiz tinchlik-farovonligi va halol-pok molu davlat topish, nohaq-botil yo‘llar orqali keladigan mollardan asrashini so‘rab xayrli duolar qilindi.
O‘zbekiston musulmonlari idorasi
Matbuot xizmati