Sayt test holatida ishlamoqda!
18 Iyun, 2025   |   22 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:04
Quyosh
04:49
Peshin
12:29
Asr
17:40
Shom
20:02
Xufton
21:41
Bismillah
18 Iyun, 2025, 22 Zulhijja, 1446
Avvalgi sayt
#search
 YouTube

"Eng ma’rifatli imom – 2018” ko‘rik tanlovi g‘oliblari aniqlandi

20.12.2018   5666   4 min.

 

Bugun, 20 dekabr kuni O‘zbekiston musulmonlari idorasida har yili an’anaviy tarzda o‘tkazilib kelinayotgan "Eng ma’rifatli imom – 2018" ko‘rik tanlovining respublika bosqichi o‘tkazildi. Unda tanlovning Qoraqalpog‘iston Respublikasi, Toshkent shahri va viloyatlar bosqichida birinchi o‘rinni egallagan 14 nafar imom-xatib bellashdilar.

 

Tadbirda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, O‘zbekiston musulmonlari idorasi rahbar xodimlari, ulamolar, imom-xatiblar va ommaviy axborot vositasi xodimlari ishtirok etdi.

 

Yig‘ilgan ballar bo‘yicha g‘oliblar aniqlandi.

 

1 o‘rin: Farg‘ona viloyati Marg‘ilon shahridagi «Xudoyorhoji» jome masjidi imom-noibi Abduvohid Ahmadaliyev. Unga O‘zbekiston musulmonlari idorasining birinchi darajali diplomi va "Vaqf" xayriya jamoat fondi tomonidan taqdim etilgan noutbuk va 3.000.000 so‘m pul mukofoti topshirildi.

 

2 o‘rin: Toshkent shahar Yunusobod tumanidagi «Kulolqo‘rg‘on» jome masjidi imom-xatibi Yahyoxon Abdurahmonov. Unga O‘zbekiston musulmonlari idorasining ikkinchi darajali diplomi va "Vaqf" xayriya jamoat fondi tomonidan taqdim etilgan LCD 42 televizor va 2.500.000 so‘m pul mukofoti topshirildi.

 

3 o‘rin: Toshkent viloyati Qibray tumanidagi «Sa’dullo ota» jome masjidi imom-xatibi Obidjon Mirhamidov . Unga O‘zbekiston musulmonlari idorasining uchinchi darajali diplomi va "Vaqf" xayriya jamoat fondi tomonidan taqdim etilgan mikro to‘lqinli pech va 2.000.000 so‘m pul mukofoti topshirildi.

 

Bundan tashqari, bir qancha nominatsiyalar bo‘yicha ham g‘oliblar nomi e’lon qilindi.

 

"Eng ko‘p obuna uyushtirgan imom" nominatsiyasi bo‘yicha Samarqand viloyati Pastdarg‘om tumanidagi "Nurul Islom" jome masjidi imomi Ozod Nazarov;

 

"Eng ko‘p maqola chop etgan imom" nominatsiyasi bo‘yicha Qashqadaryo viloyati Kasbi tumanidagi "Fazli" jome masjidi imomi Azamat Usmonov;

 

"Eng obod masjid" nominatsiyasi bo‘yicha Urganch shahridagi "Oxun bobo" jome masjidi;

 

"Eng innovatsion yondashuv" nominatsiyasi bo‘yicha Samarqand viloyati Qo‘shrabot tumanidagi "Domlo Omonullo" G‘anijon Abiyev va Andijon viloyati Oltinko‘l tumanidagi "Dalvarzin" jome masjidi imomi Iskandar Ortiqov taqdirlandilar.

 
 
 
 
 
 
 
 
 
 
 
 
 
 
 

 

O‘zbekiston musulmonlari idorasi Matbuot xizmati

Yangiliklar
Boshqa maqolalar

Masjidul haromda uxlasa, tahorati sinmaydimi?

16.06.2025   4362   1 min.
Masjidul haromda uxlasa, tahorati sinmaydimi?

Savol: Masjidul haromda namozlarni jamoat bilan o‘qib, keyingi namoz vaqtini kutib o‘tirganimizda, ayrim hojilarimiz yotgan holda uxlab qolib, keyingi namozga azon aytilganda, tahorat qilmay namoz o‘qishayotganiga guvoh bo‘ldim.

Buning xukmi dinimizda qanday? Chunki uxlash tahoratni buzadi deb o‘qiganmiz va shunga amal qilamiz. Yoki masjidul haromda ayrim hukmlar o‘zgaradimi?


Javob: Bismillahir rohmanir rohiym. Hanafiy mazhabiga ko‘ra, biror narsaga suyanib, yoki yonboshlagan holda uxlash tahoratni sindiradi. Bu hukm masjidul haromga ham tegishli. Siz aytgan hojilar yerga yonboshlagan holda uxlagan bo‘lsalar, tahoratlari sinadi. Lekin ko‘zini yumib, uxlamasdan, zikr qilib yotadiganlar ham bo‘ladi. Agar shunday qilgan bo‘lsalar, tabiiyki tahoratlari sinmaydi.

Masjidul haromda dunyoning turli nuqtasidan kelgan ziyoratchilar ibodat qiladi. Ularning ichida ilmli insonlar bilan bir qatorda ibodatga endi kirgan, shar’iy hukmlarni yaxshi o‘zlashtirmaganlar ham bo‘ladi. Ularning qilayotgan ishini ko‘rib, anavilar qilyapti-ku, demak, noto‘g‘ri emas ekanda, deb qilib ketavermaslik kerak.

Qolaversa, u yerda turli mazhab odamlari ibodat qiladi. Ayrim mazhablarda uxlash, badandan qon chiqish kabi ishlar tahoratni sindirmaydi. Ammo bizning mazhabimizda har ikkisi ham tahoratni buzadi va bunga ulamolarimiz bir qancha hadislarni dalil o‘laroq keltirganlar.

Shu bois, ulug‘ makonlarga ibodatga otlanayotgan odamlar: xoh erkak, xoh ayol kishi bo‘lsin, shar’iy hukmlarni bilib olishi yoki biladigan odam hamrohligida borishi maqsadga muvofiq bo‘ladi. Aks holda ibodat qilaman deb, gunohga botishi hech gap emas. Vallohu a’lam.


O‘zbekiston musulmonlari idorasi
Fatvo markazi.