"Eng ma’rifatli imom – 2018" ko‘rik tanlovining respublika bosqichi boshlandi
20.12.2018
4879
3 min.
Mamlakatimiz taraqqiyotning yangi davrida muhtaram Prezidentimiz tomonlaridan diniy sohada olib borayotgan islohotlar ayniqsa diqqatga sazovordir. Ushbu islohotlarning hayotga tatbiq etilishida diniy soha xodimlari ham munosib ishtirok etishlarini ta’minlash O‘zbekiston musulmonlari idorasi oldida turgan eng oliy vazifalardan biridir.
Bugun, 20 dekabr kuni O‘zbekiston musulmonlari idorasida har yili an’anaviy tarzda o‘tkazilib kelinayotgan "ENG MA’RIFATLI IMOM – 2018" ko‘rik tanlovining respublika bosqichi boshlandi.
Unda tanlovning Qoraqalpog‘iston Respublikasi, Toshkent shahri va viloyatlar bosqichida birinchi o‘rinni egallagan 14 nafar imom-xatib bellashmoqda.
"ENG MA’RIFATLI IMOM– 2018” ko‘rik-tanlovini o‘tkazishdan maqsad, bugungi kun imom-xatibi ham diniy ham dunyoviy bilimlarni puxta egallashi, Qur’oni karim oyatlari tafsirini mukammal bilishi, dunyoda yuz berayotgan voqelikdan xabardor bo‘lib, xalqni ezgulik va birdamlikka chaqirishi, yoshlarga haq bilan botilni yetkaza bilishi kabi faoliyatlarni yanada jadallashtirishdan iborat.
Shuningdek, hozirgi paytda dunyoda kechayotgan murakkab siyosiy jarayonlarda Islom dini niqobi ostida ro‘y berayotgan urush va to‘qnashuvlar, buzg‘unchi g‘oyalar tahdididan aholini ogoh etib, ularga to‘g‘ri islomiy ta’limotni yetkazish kabi vazifalarni qay darajada uddasidan chiqayotganlarini bilish ham maqsad qilib qo‘yilgan.
Tadbir Qur’on karim tilovati bilan boshlandi. Shundan so‘ng hakamlar hay’ati va ishtirokchilar tanishtirildi.
Musobaqa davom etmoqda. Tanlov haqidagi batafsil ma’lumotlarni muslim.uz portali va uning ijtimoiy tarmoqlardagi sahifalarida kuzating.
An’anaviy diplomatiya ko‘pincha manfaatlar muvozanati, muzokara va bitimlar tilida so‘zlaydi. Madaniy diplomatiya san’at, adabiyot va tarix orqali mamlakat haqida ijobiy
tasavvur uyg‘otadi. Diniy-ma’rifiy diplomatiya esa yanada nozik omilga — insonning e’tiqodi, u muqaddas deb bilgan qadriyatlar va tarixiy xotirasiga tayanadi.
O‘zbekistonning tahlillar tufayli ko‘zga tashlanayotgan bu yangi modeli islomni zo‘ravonlik bilan tenglashtiruvchi tashqi stereotiplarga ilmiy dalil bilan javob berishi, buzg‘unchi talqinlarga qarshi ma’rifiy maydon yaratishi, turli din va madaniyat vakillarini inson qadri, bilim, vijdon erkinligi, tinchlik va mas’uliyat atrofida birlashtirishi mumkin.
Shavkat Mirziyoyev mazkur siyosatning g‘oyaviy tashabbuskori. Prezident ilgari surayotgan "Jaholatga qarshi ma’rifat" g‘oyasining asosiy tamoyillari BMTning "Ma’rifat va diniy bag‘rikenglik" rezolyutsiyasida xalqaro darajadagi siyosiy-huquqiy ifodasini topdi. Bu yondashuv terrorizm va ekstremizmning oqibatlariga emas, ularni oziqlantiradigan barcha omillarga qarshi kurashishni nazarda tutadi.
Prezident "diniy-ma’rifiy diplomatiya" institutining bunyodkori sifatida o‘rtaga chiqdi. Uning tashabbusi bilan Islom sivilizatsiyasi markazi va boshqa ilmiy muassasalarning tashkil etilishi, tarixiy majmualarning qayta tiklanishi, qo‘lyozmalar va ilmiy maktablarga e’tibor yangicha intellektual infratuzilmani shakllantirdi
Shunda O‘zbekistonning diniy-ma’rifiy diplomatiyasi dunyoning bugungi muammolariga xolis yechim taklif etadigan omilga aylanmoqda.
Habibullo Sadibaqosev , O‘zbekiston xalqaro islomshunoslik akademiyasi birinchi prorektori, siyosiy fanlar doktori, professor
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
