Mavlid oyi bo‘ldi elga mukarram,
Boisi tug‘ilgan rasuli akram.
Oylarni ichinda bo‘lak ehtirom,
Qilar halqim bu oyni izzati ikrom.
Muborak ulug‘ oy salom assalom!
Robiul avvalni dushanba kuni,
Tug‘ildi bu kunda olam sarvari.
Ollohni tanlagan xos rasuli,
Bandalar ichinda tanlagan quli.
Qabul aylang ummatni sizga salomi!
Ollohni rasuli tug‘ilgan bu oy,
Mo‘jiza xislatga bu oy juda boy.
O‘chib qoldi ming yil o‘chmagan olov,
Yakson bo‘ldi ka’badagi butlar va sanam.
Bizdan salom qabul aylang rasuli akram!
Mo‘minlar boshidan ketib jaxolat,
Ziyo bo‘lib keldi ilmu ma’rifat.
Vayron bo‘ldi shu kecha Xisrav saroyi,
Quridi ko‘p turgan savani ko‘li.
Ollloh yaxshi ko‘rgan zot, rasul tufayli!
Kofirlar, mushriklar qilib nadomat,
O‘tgan kunlariga qildilar nafrat.
Olloh suyugan payg‘ambari sizga salovat,
Ollohni rasuli tug‘ilgan bu oy.
Salovot salomni aytingiz bisyor!
Arziydi har kuni aytsangiz ko‘p bor,
Oxiratda rasululloh shafoati bor.
Salovotni to‘xtatmang bu oyda zinhor,
Rasululloh sizga bo‘lsin salovot ming bor.
Oxiratda rasul akram shafoati bor!
Har kim aytsa haq rasulga salom salovot,
Barcha etar topganidan exson xasanot.
Haq habibi rasuliga qilib ehtirom,
Umid qilib har bir ummat sizdan shafoat.
Sizga bo‘lsin rasululloh salom-salovat!
Muhammad MUKARRAMOV,
Koson tumani bosh imom-xatibi.
Bugun 2025 yil 8 yanvar kuni Toshkent shahar, Uchtepa tumani "Vatan" tantanalar majmuasida "Jaholatga qarshi ma’rifat" nomli ma’naviy-ma’rifiy tadbir bo‘lib o‘tdi.
Unda O‘zbekiston musulmonlari idorasi raisining birinchi o‘rinbosari Homidjon domla Ishmatbekov, aholi vakillari, yoshlar va xotin-qizlar ishtirok etib, islom dini ezgulik, tinchlik va insoniylik dini ekani, fazilatlar, azaliy qadriyatlar ifodasi ekanligini targ‘ib qilish, yosh avlodga milliy qadriyatlarimiz, an’analarimizni to‘g‘ri tushuntirish, yurtimiz tinchligini asrash, ularni vatanparvarlik ruhida tarbiyalash borasida fikrlar bildirildi.
O‘zbekiston musulmonlari idorasi Matbuot xizmati