Bugun, 25 oktyabr kuni soat 15:00da O‘zbekiston Milliy matbuot markazida O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita tomonidan “Haj va Umra safari to‘g‘risida” ommaviy-axborot vositalari uchun brifing o‘tkazilayotgani haqida ma’lumot bergan edik.
Brifingda aytilganidek kuz mavsumidagi Umra ziyoratining dastlabki reysi joriy yilning 28 oktyabr kuni amalga oshiriladi.
Ma’lumot uchun, Jamoatchilik kengashi tomonidan Umra safariga bormoqchi bo‘lgan har-bir fuqaro uchun to‘lanadigan mablag‘ qiymati 5 804 000 so‘m (borish-kelish aviachiptasidan tashqari) miqdorda arzon bo‘lishiga erishildi. (Toshkent – Jidda – Toshkent aviachiptasi narxi 5 096 000 so‘m).
Avval xabar berganimizdek, ayni kunlarda Prezidentimiz tashabbusi bilan yurtimizning barcha hududlarida “Ramazon – mehr-muruvvat, ahillik va shukronalik oyi” degan ezgu g‘oya asosida keng ko‘lamli xayriya tadbirlari va iftorlik marosimlari o‘tkazilmoqda.
Ana shunday ezgu an’ana va xayriya tadbirlari Surxondaryo viloyatida ham keng quloch yozmoqda. Surxondaryo viloyati hokimi Ulug‘bek Qosimov va viloyat bosh imom-xatibi Rasuljon domla Abdullayev boshchiligida hududdagi imom-xatiblar mahallalardagi ehtiyojmand xonadonlarda bo‘lib, iftorlik dasturxonlari yozish va hadyalar ulashish orqali ularning qalbiga xursandchilik kiritmoqdalar.
Jumladan, Termiz shahridagi “Abdurahmon Jomiy” mahallasida yashovchi Sadatovlar xonadonida fayzli iftorlik uyushtirilib, oila a’zolarining holidan xabar olindi.
Shu kunning o‘zida viloyatdagi 15 ta tuman bosh imom-xatiblari ham o‘z hududlaridagi boquvchisini yo‘qotgan va muhtoj fuqarolar xonadonlarida bo‘ldilar. Umumiy hisobda imomlar tomonidan 390 ta oilaga kirilib, ularga jami 258 million so‘mlik oziq-ovqat jamlanmalari tuhfa qilindi.
Ramazon oyining tarovatini oshirishga xizmat qilgan bu kabi mehr-muruvvat va saxovat tadbirlari butun o‘lkamiz bo‘ylab davom etmoqda.
O‘zbekiston musulmonlari idorasi
Matbuot xizmati