Pokiston ulamolarining Mir Arab oliy madrasasiga tashrifi
17.10.2018
5910
1 min.
Joriy yilning 17 oktyabr kuni Pokiston Islom Respublikasi muftiysi Muhammad Rizvan rahbarligidagi “Naqshbandiya” tariqati vakillaridan iborat delegatsiya Bahouddin Naqshband ziyoratgohiga tashrif buyurdi.
Delegatsiya tarkibida jami 47 nafar Pokiston Islom Respublikasi ulamolari, jumladan, Shayx Muhammad Abdulhalim an-No‘maniy,
Shayx qozi Arshad al-Husayniy, Lohurdagi “Muhammadiya” universiteti mudiri Shayx Muhammad Hasan, Faysaloboddagi “Imdodiya” universiteti mudiri Shayx Muhammad Toyyib, “Miftahul-ulum” universiteti mudiri Shayx Muftiy Tohir Mas’ud, Muhammad Aslam Naqshbandiy va boshqalar bo‘lib, ularga Pokiston Islom Respublikasi muftiysi Muhammad Rizvan rahbarlik qildi.
Mehmonlarga safar davomida Mir Arab oliy madrasasi ustoz
hamda talabalari hamrohlik qildi.
Ziyoratdan so‘ng Bahouddin Naqshband yodgorlik majmuasi markazining konferensiya zalida Pokiston Islom Respublikasi delegatsiyasi va Mir Arab oliy madrasasi ustoz hamda talabalari ishtirokida uchrashuv o‘tkazildi.
Uchrashuvda O‘zbekiston va Pokiston davlatlari o‘rtasida do‘stona munosabatlar yaxshilangani, xususan, Prezidentimiz Sh.Mirziyoyev tashabbusi bilan ikki tomonlama aloqalar yangi bosqichga ko‘tarilib, mazkur delegatsiya uchun ham qulayliklar ta’minlangani, O‘zbekiston ulamolarining islom dini ta’limoti rivojiga qo‘shgan buyuk hissalari, o‘tgan ulug‘ avliyolar, ustozlar haqida ijobiy fikrlar bildirildi.
Uchrashuv davomida o‘tganlar ruhini shod etish maqsadida Qur’on tilovat qilinib, yurtimiz haqiga duoyi xayrlar qilindi.
Tadbir yakunida delegatsiya vakillari Mir Arab oliy madrasasi ustozlariga faxriy yorliq va esdalik sovg‘alarini topshirdilar.
O‘MI Matbuot xizmati
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
