Yaqinda olimlar inson miyasining yolg‘on shakllanadigan qismini aniqlashdi. Bu joy odam miyasining old, peshona qismida ekan.

Kishi yolg‘on ishlatgan paytda mazkur qism faollashar ekan. Bu holat tasvirdagi rasmda to‘q pushti rangda ko‘rsatilgan.

Olimlar tadqiqot xulosasida aytyaptiki, yolg‘on gap va ish amalga oshishi hamda xato sodir etilishi inson miyasining eng old qismida, arab tilida “naasiya” deb ataladigan peshona qismida shakllanar ekan.

Endi Qur’oni karimdagi quyidagi oyatga e’tibor qilaylik: 

كَلَّا لَئِن لَّمْ يَنتَهِ لَنَسْفَعاً بِالنَّاصِيَةِ نَاصِيَةٍ كَاذِبَةٍ خَاطِئَةٍ

“Yo‘q! Agar qaytmasa, peshonasidan shiddatla tutamiz. Yolg‘onchi, xatokor peshonasidan” (“Alaq” surasi, 15-16-oyatlar).

Ushbu oyatda peshona “yolg‘onchi”, “xatokor” deya sifatlanmoqda. Bu esa bugungi kun olimlari ultratovush apparati yordamida aniqlagan ilmiy haqiqatni Qur’oni karimda bundan o‘n to‘rt asr oldin bayon qilib qo‘yilganini ko‘rsatadi! Subhanalloh!

Abduddoim Kahel maqolasidan

Nozimjon Iminjonov tarjimasi

O‘MI Matbuot xizmati