Bugun, 24 yanvar' chorshanba kuni O'zbekiston musulmonlari idorasi raisi o'rinbosari Jaloliddin domla Hamroqulov fuqarolarni qabul qilib, ularning murojaat va takliflarini tingladi.

Mazkur qabul jarayonida bildirilgan shar'iy masalalar, masjidlar holati, imomlar faoliyati, haj navbati, oilaviy munosabatlar, ishga kirish, moddiy yordam va sohani rivojlantirishga oid masalalar atroflicha o'rganilib, mas'ullarga qisqa muddatlarda hal etish yuzasidan topshiriq berildi.

Bugungi qabul davomida Farg'ona, Namangan, Qashqadaryo, Surxondaryo, Toshkent, Buxoro, Navoiy viloyatlari va Toshkent shahridan kelgan har bir fuqaroning muammo va takliflari eshitilib, ularning echimi bo'yicha amaliy choralar ko'rildi.

Mana shunday samimiy qabul va g'amxo'rlikdan mamnun bo'lgan fuqarolar O'zbekiston musulmonlari idorasi rahbariyati tomonidan ko'rsatilgan e'tibordan ko'ngillari shod bo'lishib, xayrli duolar qilishdi.

O'zbekiston musulmonlari idorasi
Matbuot xizmati