Kuni kecha, 18 sentyabr kuni AQSHning xalqaro diniy erkinlik sohasidagi maxsus topshiriqlar bo‘yicha elchisi Samuel Braunbek boshchiligidagi delegatsiya Diniy idoraga keldi. O‘zbekiston musulmonlari idorasi raisi, muftiy Usmonxon Alimov hazratlari ushbu martabali mehmon bilan muloqot o‘tkazdi.
Uchrashuv avvalida muftiy hazratlari diyorimizda diniy ibodatlarni, ma’raka marosimlarni emin-erkin va tinchlik-osoyishtalikda ado etib kelinayotgani hamda yurtimizdagi xayrli islohotlar, ulkan ijrootlar va ilg‘or tashabbuslar haqida so‘zlab berdilar.
Elchi Samuel Braunbek janoblari o‘tgan vaqt davomida O‘zbekistonda amalga oshirilgan diniy sohadagi ishlarga yuqori baho berdi. Shuningdek, inson haq-huquqlari muqaddas ekani, ayni paytda bu masala mamlakatlar manfaati uchun katta xizmat qilishini alohida ta’kidladi.
Martabali mehmon “Hazrati Imom” majmuasidagi tarixiy obidalar, “Hazrati Usmon Mus'hafi”ni ziyorat qildi va “Baraqxon” madrasasidagi hunarmandchilik ishlari bilan tanishdi.
Uchrashuv do‘stona va samimiy ruhda o‘tdi.



O‘zbekiston musulmonlari idorasi Matbuot xizmati
Shu yil 10 dekabr kuni Imom Buxoriy nomidagi Toshkent islom intitutida "Tillar" kafedrasi ustozlari tomonidan 3-kurs talabalari bilan o‘qib tugatilgan "SHARHI MULLO" kitobining "Xatmul kutub" tadbiri bo‘lib o‘tdi.
Unda O‘zbekiston musulmonlari idorasi "Qur’on va tajvidni o‘rgatish" bo‘limi boshlig‘i Shayx Alijon qori Fayzulloh Maxdum ishtirok etib, "Qur’onni tushunishda arab tilining ahamiyati" mavzusida ma’ruza qildi.
AlQuranuz