Sayt test holatida ishlamoqda!
14 Iyul, 2025   |   19 Muharram, 1447

Toshkent shahri
Tong
03:21
Quyosh
05:02
Peshin
12:34
Asr
17:40
Shom
19:59
Xufton
21:33
Bismillah
14 Iyul, 2025, 19 Muharram, 1447

Qur’onning sifatlari

13.08.2018   10526   3 min.
Qur’onning sifatlari

Qur’oni karim, insu jins jam bo‘lib uning o‘xshashini keltirishdan ojiz qolgan, butun insoniyatning nusrat mayog‘i bo‘lgan va Rasululloh sollallohu alayhi va sallam ummatiga o‘zidan keyin mahkam tutishga buyurgan Alloh taoloning samoviy kitobidir.

Qur’oni karimni tutib, unga amal qilgan kishining Allohga yaqinligi ortadi, uning tiynatida Qur’oniy sifatlar gavdalanadi. Alloh taolo Qur’oni karimni bir necha joylarida turli sifatlar bilan vasf qilgan. Qur’on u:

  1. 1. Ruhdir. Alloh taolo “Ana shunga o‘xshash, Biz senga O‘z amrimizdan bir ruhni vahiy qildik. Sen kitob nimaligini ham, iymon nimaligini ham idrok qilmas eding”.

Oyati karimada Alloh taolo Rasululloh sollallohu alayhi va sallamga nozil qilingan Qur’onni “Ruh” deb atamoqda. Ruh hayot negizi hisoblanadi. Ulamolarimiz kishining jismoniy tirikligi ozuqa bilan bo‘lsa, ruh va qalb olamining tirikligi ma’naviy oziqlar bilan bo‘ladi, ma’naviy oziqning eng oliysi – oliy Zotning Kalomidir, deya Qur’on ila ruhlarimizni oziqlantirishga chorlaganlar.

  1. Nurdir. Alloh taolo Moida surasining  15-16-oyatlarida: “…Batahqiq, sizlarga Allohdan nur va oydin Kitob keldi” deya marhamat qilgan. Qur’onni mus'hafga qarab tilovat qilish ko‘zni o‘tkirlashtiradi, tilovati bilan mashg‘ul bo‘lgan kishining zehni o‘tkirlashadi. Buning sababi Qur’onning nuri o‘tganidir.
  2. Eng to‘g‘ri yo‘lga boshlovchidir. Alloh taolo Isro surasida: “Albatta, bu Qur’on eng to‘g‘ri yo‘lga hidoyat qilur…” deya Qur’onni vasf qilgan. Qur’oni karim qiyomatgacha uning oldidan va ortidan botil kelmaydigan kitobdir. Kim uni tutsa to‘g‘ri yo‘lni tutgan bo‘ladi.
  3. 4. U hidoyat va shifodir. «U iymon keltirganlar uchun hidoyat va shifodir…” (Fussilat surasi, 44-oyat). Qur’on karim yuqorida aytilganidek, hidoyat – to‘g‘ri yo‘lga boshlovchidir. Shuningdek, qalb va jism xastaliklariga ham shifodir.

Azaliyligu abadiylik O‘zigagina xos bo‘lgan Zot:

Agar qishloqlar ahllari iymon keltirganlarida va taqvo qilganlarida edi, Biz, albatta, ularga osmonu yerdan barakotlarni ochib qo‘yar edik. Lekin ular yolg‘onga chiqardilar, bas, ularni qilgan kasblari tufayli tutdik.”, deya marhamat qilgan (A’rof surasi, 96-oyat). Alhamdulillah, Rabbimiz amri ila U yuborgan barcha narsalarga iymon keltiramiz. U buyurganidek, ibodat qilamiz va rahmatidan umidvor, azobidan xavfda bo‘lamiz.

Rabbimiz kalomini qanchalik mahkam tutsak, bizga Allohning barakoti shuncha ziyodalashadi. Ayniqsa, uning tilovatini qilib yoki tinglab, ma’nolarini o‘rgansak, inshoalloh, Qur’onning yuqorida keltirilgan sifatlariga erishamiz va ikki dunyo saodatidan bahramand bo‘lamiz!

Barcha holatlarimizda hojatbarorimiz, tarbiyachimiz bo‘lgan Alloh taolo Qur’oni karim ila xulqlanishimizda ham O‘zi tavfiq ato qilguvchimiz bo‘lsin. Amin!

Muhammadiy Ergashev

manba: nasihat.uz

Qur'oni karim
Boshqa maqolalar
Yangiliklar

Sloveniyadagi Qur’on musobaqasi 1000 dan ortiq ishtirokchini birlashtirdi

14.07.2025   310   1 min.
Sloveniyadagi Qur’on musobaqasi 1000 dan ortiq ishtirokchini birlashtirdi

Sloveniya poytaxtidagi Islom madaniyati markazida o‘tkaziladigan ushbu tadbir mamlakatdagi eng muhim islomiy yig‘inlardan biri bo‘lib, turli yoshdagi talabalar, ota-onalar va arabshunoslik bo‘yicha o‘qituvchilarni jalb qildi.

 

Bu yilgi tanlov «Qur’on va sunnatda musulmonning axloqi» mavzusidagi sakkizta yo‘nalish bo‘yicha o‘tkazildi. Ishtirokchilar Qur’oni Karimning ma’lum suralarini yod olish, siyrat va sahobalar hayoti, Islom arkonlari va odob-axloqi bo‘yicha bellashdilar.

 

Tadbir har yili Sloveniyadagi Islom hamjamiyati tomonidan o‘tkaziladi, unda mamlakat bo‘ylab 18 ta Qur’on o‘rganish markazlari ishtirok etadi. Bu markazlarda har hafta Qur’on yod olish, Nabiy alayhissalom siyratlari va axloqiy ta’limotlar bo‘yicha darslar o‘tkaziladi.

 

#yangilik 

@quranuz_kanali

Dunyo yangiliklari