Sayt test holatida ishlamoqda!
03 Aprel, 2025   |   5 Shavvol, 1446

Toshkent shahri
Tong
04:42
Quyosh
06:03
Peshin
12:31
Asr
16:58
Shom
18:53
Xufton
20:08
Bismillah
03 Aprel, 2025, 5 Shavvol, 1446

“Bo‘rijar” jome masjidiga yangi imom-xatib tayinlandi

08.08.2018   5420   1 min.
“Bo‘rijar” jome masjidiga yangi imom-xatib tayinlandi

Bugun Toshkent shahridagi “Bo‘rijar” (“Ilonlik ota” mahallasi) jome masjidiga yangi imom-xatib tayinlandi. Asr namozidan so‘ng O‘zbekiston musulmonlari idorasi raisi o‘rinbosari Ibrohim domla Inomov jamoatga Alixonov Mirzatillo Abdullajon o‘g‘lini “Bo‘rijar” jome masjidi imom-xatibi etib tayinlash to‘g‘risidagi O‘zbekiston musulmonlari idorasi raisining buyrug‘ini o‘qib eshittirdi.

Alixonov Mirzatillo Abdullajon o‘g‘li bungacha Toshkent shahar “Tepa” jome masjidi imom noibi vazifasida faoliyat yuritgan hamda qo‘shimcha ravishda O‘zbekiston musulmonlari idorasi Kotibiyat bo‘limida xizmat qilib keladi.

Ustozlar yosh, iqtidorli imom-xatibning kelgusidagi faoliyatiga Alloh taolodan muvaffaqiyatlar so‘rab, dinimizga, xalqimizga sadoqat bilan faol xizmat qilishlarini tilab duolar qildilar.

Eslatib o‘tamiz, yaqinda Shayxontohur tumani bosh imom-xatibi va “Shayx Zayniddin” jome masjidi imom-xatibi vazifasiga tayinlangan Abdukarimov Husniddin Chilonzor tumani bosh imom-xatibi va “Bo‘rijar” jome masjidi imom-xatibi vazifalarida faoliyat yuritgan edi.

 

O‘MI Matbuot xizmati

 

 

O'zbekiston yangiliklari
Boshqa maqolalar
Yangiliklar

Diniy soha media vakillari ishtirokida o‘quv-seminar

02.04.2025   1895   2 min.
Diniy soha media vakillari ishtirokida o‘quv-seminar

Bugun, 2 aprel kuni O‘zbekiston musulmonlari idorasida diniy sohada faoliyat yuritayotgan matbuot va axborot xizmati xodimlari uchun o‘quv seminari o‘tkazildi. Unda O‘zbekistondagi islom sivilizatsiyasi markazi, O‘zbekiston xalqaro islom akademiyasi, Imom Moturidiy xalqaro ilmiy-tadqiqot markazi, O‘zbekiston musulmonlari idorasi Qoraqalpog‘iston qoziyoti, viloyatlar va Toshkent shahar vakilliklari matbuot kotiblari va axborot xizmati xodimlari ishtirok etdi. 
 

An’anaga muvofiq, tadbir Qur’oni karim tilovati bilan boshlandi. Dastlab O‘zbekiston musulmonlari idorasi raisining birinchi o‘rinbosari Homidjon domla Ishmatbekov seminar ishtirokchilariga xayrli tilaklar bildirdi. Shuningdek, bugungi axborot va texnologiyalar zamonida diniy soha faoliyatiga oid materiallarni ommaga taqdim etish, noxolis axborotlardan ogohlantirish nihoyatda muhim ekani, bu esa sohada ishlayotgan matbuot kotiblari va mutaxassislar zimmasiga katta mas’uliyat yuklashi, shu bois ular o‘zining doimiy malakasini oshirib borishi zarurligi, bunda o‘quv seminarlarning alohida o‘rni borligini ta’kidladi. 


Shundan so‘ng to‘g‘ridan to‘g‘ri va masofaviy shaklda o‘tgan o‘quv seminar tinglovchilari Filologiya fanlari doktori Beruniy Alimov, Din ishlari bo‘yicha qo‘mita bosh mutaxassisi Yahyobek Hayitaliyev, Alisher Navoiy nomidagi Toshkent davlat o‘zbek tili va adabiyoti universiteti tayanch doktoranti Orif Tolib kabi soha mutaxassislarining darslarini tingladi. 


O‘quv-seminar davomida “Internet tarmog‘ida tarqalayotgan yot g‘oyalarning tahlili: muammo va yechimlar”, “Diniy soha xodimlarining OAV va ijtimoiy tarmoqlarda chiqishlari tartibi bo‘yicha tavsiyalar”, “Zamonaviy axborot texnologiyalarda matnli materiallarni tarqatish usullari” kabi mavzularda bir-biridan qiziqarli mashg‘ulotlar olib borildi. 


Har bir dars yakunida tinglovchilar o‘zlarini qiziqtirgan savollarga atroflicha javob olishdi. 


O‘zbekiston musulmonlari idorasi
Matbuot xizmati

Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar Diniy soha media vakillari ishtirokida o‘quv-seminar
O'zbekiston yangiliklari