Fatvo hay’atiga kelgan savollar (19-qism)
Savollarga O‘zbekiston musulmonlari idorasi Fatvo hay’ati javob beradi.
Savol: Assalomu alaykum. Savolim shuki nikohdan keyin 2 rakat shukrona namoz o‘qish kerak deb eshitdim. Bu namoz qanday o‘qiladi. Tartibi haqida ma’lumot bersangiz iltimos.
Javob: Va alaykum assalom! Bu ixtiyoriy-nafl namoz. Maxsus nomli namoz emas.
Savol: Assalomu alaykum. Namozni tizzadan uzun shortik va futbolkada o‘qisa bo‘ladimi? Shu haqda ma’lumot bering iltimos sizlardan oldindan rahmat.
Javob: Va alaykum assalom! Bo‘ladiyu, makruh bo‘ladi.
Savol: Oshxonada chumolilar juda ko‘payib ketdi doridan so‘ng ham kelayapti, gohida suv bilan idishda o‘ldirishga to‘g‘ri kelayapti bu gunohmi?
Javob: Buning zarari yo‘q.
Bayram shukuhi Jizzaxda ham davom etmoqda
O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.
Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.
Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.
Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.
Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.
Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.
O‘zbekiston musulmonlari idorasi
Matbuot xizmati
