Savol-javob: Mahrning ozi qancha yoki bir dirham necha gramm?
Cavol: Masjidimiz imomining aytishicha, mahrning eng ozi o‘n dirham ekan. Uning pulimizdagi qiymati necha so‘m bo‘ladi?
Javob: Bizning mazhabimizda mahrning eng oz miqdori o‘n dirham kumush deb belgilangan. Ko‘pining esa cheki yo‘q, ammo hadisi shariflarda mahrning ham oziga qanoat qilgan ayollar maqtalgan.
Bir dirham zamonaviy o‘lchovda 3,12 grammdir, uni o‘nga ko‘paytirsak 31,2 gramm bo‘ladi. Nikoh shartnomasi tuzilayotganida 31,2 gramm kumushning qiymati so‘mda qancha bo‘lsa, o‘sha mahrning eng kam miqdori bo‘ladi. Bundan mahrga ana shu miqdordan ortiq berib bo‘lmas ekan, degan xulosa chiqmaydi. Dinimiz jamiyatning barcha qatlami manfaatini teng himoya qilgani uchun ularning eng kambag‘aliga ham malol kelmaydigan miqdorni belgilagan. Kimning sharoiti ko‘tarsa, bundan ko‘prog‘iga qodir bo‘lsa, ko‘proq ham beraveradi.
Saraton va serhrga qarshi o‘qiladigan oyatlar
Bismillahir Rohmanir Rohiym
Bu kasallik inson tanasi harakatlarini me’yordan chiqaruvchi og‘ir bedavo dard hisoblanadi. Qur’on tilovati bu kasallikka davo bo‘lishi mumkin.
Saraton va sehrga muolaja tarzida Qur’oni karimda Muso alayhissalom tillarida aytilgan Yunus surasi 81-82 oyatlarini kamida 7 marta takrorlab turish lozim.
﴿إِنَّ اللَّهَ سَيُبْطِلُهُ إِنَّ اللَّهَ لَا يُصْلِحُ عَمَلَ الْمُفْسِدِينَ﴾
"Alloh, albatta, uni botil (barbod) qilur. Zero, Alloh buzg‘unchilarning ishini isloh etmagay"
﴿وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ﴾
"Garchi jinoyatchilar yoqtirmasalar-da, Alloh o‘z so‘zlari (amrlari) bilan haqiqatni ro‘yobga chiqarur"
Shuningdek, ko‘proq Baqara surasini hammasini o‘qish yoki eshitish Yosin, Tur, Rum suralarini o‘qishni tavsiya etiladi.
"Islomda salomatlik" kitobidan
Muhammad Zarif Muhammad Olim o‘g‘li
