Savollarga O‘zbekiston musulmonlari idorasi Fatvo hay’ati javob beradi.
Savol: Assalomu alaykum hurmatli ustozlar! Savolim quyidagicha: er kishining ayoli ko‘zi yoriganiga 40 kun bo‘lmagan bo‘lsa ham yaqinlik qilsa bo‘ladimi?
Javob: Va alaykum assalom. Agar farzand ko‘rganidan keyingi qon qirq kunga yetmasdan to‘xtasa mumkin.
Savol: Assalomu alaykum. Telefonda azon eshitsa, eshitgan odam azon aytmasdan namoz boshlashi mumkinmi?
Javob: Va alaykum assalom. Yo‘q mumkin emas.
Savol: Assalomu alaykum. Men yaqinda uylanganman. Har gal ayolim bilan yaqinlik qilishdan avval tahoratli bo‘lishim shartmi, yoki bismillah va duosini o‘qib birga bo‘lsam bo‘laveradimi?
Javob: Va alaykum assalom. Bo‘laveradi.
Joriy yilning 21-22 oktyabr kunlari O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan Qoraqalpog‘iston Respublikasi va viloyatlar diniy soha xodimlari o‘rtasida mini-futbol bo‘yicha «Muftiy sovrini – 2025» musobaqasi bo‘lib o‘tgani haqida ijtimoiy tarmoqlar orqali xabar bergan edik.
Bugun, Qoraqalpog‘iston Respublikasidagi markaziy «Imom Eshon Muhammad» jome masjidida ushbu musobaqa g‘oliblarini taqdirlash marosimi bo‘lib o‘tdi. Marosimda Qoraqalpog‘iston Respublikasi Sport vaziri Ye.Qutiboyev, Vazirlar Kengashi kotibiyat mudiri J.Yusupov, Qoraqalpog‘iston musulmonlari qoziyoti qozisi B.Razov, «Muhammad ibn Ahmad al Beruniy» madrasasi direktori J.Abdirazzaqov, qoziyat, madrasa xodimlari va imom-xatiblar ishtirok etdi.
Qoraqalpog‘iston Respublikasi Sport vaziri Ye.Qutibayev, Qoraqalpog‘iston musulmonlari qoziyoti qozisi B.Razov musobaqa ishtirokchilarini g‘alaba bilan tabriklab, kelgusi ishlarida muvaffaqiyatlar tiladi.
Qoraqalpog‘iston musulmonlari qoziyoti tomonidan g‘oliblarga esdalik sovg‘alar berildi.
Qoraqalpog‘iston musulmonlari qoziyoti.