Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448

Ramazon oyining fazilati

12.05.2018   53017   3 min.
Ramazon oyining fazilati

Alloh taolo ro‘zaning hikmatlarini bayon qilar ekan, taqvo sifatiga alohida ahamiyat bergan. Chunki kishi ro‘zador bo‘lsa-yu, ammo uning haqqini ado etmasa, ya’ni Rasululloh sollallohu alayhi vasallam aytib o‘tganlaridek barcha a’zolarini gunohdan tiymasa, unday kishi ochlik va chanqoqlikdan o‘zga narsaga ega bo‘lmaydi.

Zero, Islomda har bir amaldan buyuk bir maqsad ko‘zlanadi va shu maqsad amalga oshar ekan, unga ajr-savoblar bitilib, bu dunyo hayoti ham tom ma’noda farovon bo‘lib boraveradi.

Rasululloh sollallohu alayhi vasallam hadisi shariflarida kishilarni yaxshilik qilishga undab, hattoki kishi o‘z oila a’zolariga qilgan yaxshiligiga ham savob berilishi haqida ta’kidlab o‘tadilar. Vaholanki bu narsa oila boshlig‘ining zimmasidagi burchi edi. Yoki bo‘lmasa ochiq chehra ila xushmuomalada bo‘lish go‘zal axloq ekanini va bu sifat egasini qiyomat kunida savoblari og‘ir bo‘lishiga xizmat qilishi haqidagi hadislarini olaylik.

Bularning birida yaxshilikka targ‘ib bo‘lsa, ikkinchisida yaxshilikka targ‘ib hamda yomonlikdan go‘zal va nozik tarzda qaytarish bo‘lmoqda. Ya’ni yaxshilik qilishga qodir bo‘lmagan kimsa, kishilarning kayfiyatiga salbiy ta’sir etadigan tundlik va badqovoqlikdan o‘zini saqlab ochiq chehralik bo‘lishga chaqirilmoqda. Bas shunday ekan, ro‘za ham bizning jismimizga shifo bo‘lishi bilan birga, o‘ziga xos qiyinchilik va mashaqqat sinovlarini ham olib keladi. Chunki hayot qonuni o‘zi shunday tuzilgan. Bemor bir darddan forig‘ bo‘lishni istasa, albatta tabibning achchiq dorilariga sabr qiladi. Pirovardida esa jismi sog‘lom bo‘lib maqsadiga yetishadi.

Ro‘zani ham shunga qiyoslaydigan bo‘lsak, ochlik va tashnalik jismimizdagi ortiqcha tuz va yog‘larni kamaytirib, tun-kun, yillab dam olish nimaligini bilmay ishlab turadigan oshqozonimizga bir muddat dam beradi. Natija esa barchamizga ma’lum, ya’ni uni qo‘lga kiritish maqsadida uzoq safarlarga otlanganimiz va ko‘plab mablag‘larimizni sarflaganimiz “sog‘lik-salomatlik” deb atalgan ne’matga ega bo‘lamiz.

Muborak ramazon ro‘zasini, Rasululloh sollallohu alayhi vasallam aytganlaridek munosib tutishimiz va bundagi vaqtinchalik mashaqqatga besabrlik qilmaslik uchun qalblarimizga huzur olib kelgan ba’zi bir hadislarni siz azizlar e’tiboringizga havola etmoqchimiz.

Maqsadimiz, ro‘za ochligi-yu chanqoqligi asab tolalarimizni tarang qilganda quyidagi hadislar butun vujudimizga malham bo‘lsa-yu ramazonning ulug‘ ajrlaridan bebahra qolmasak.

Rasululloh sallallohu alayhi vasallam, hadisi qudsiyda shunday deb marhamat qildilar:

“Odam bolasining ro‘zadan boshqa barcha amali o‘zigadir. Ro‘za Mengadir, uning mukofotini ham O‘zim beraman”

Kelayotgan ramazon oyini barchamiz uchun savobli va mazmunli qilsin. Shu oyning sharofatidan qolgan oylarimizni ham barokatli, xayrli qilib, yurtimiz va butun dunyoda tinchlik, xotirjamlik va yaxshiliklarni bardavom aylasin!

Maqsudbek Madirimov,

Hazorasp tumanidagi “Hazrati Shayx Muhammad Amin” jome masjidi imom-xatibi

Ramazon-2018
Boshqa maqolalar
Yangiliklar

“Yangi O‘zbekiston” bog‘ida turli millat va din vakillari ko‘chat ekishdi

16.11.2026   427   1 min.
“Yangi O‘zbekiston” bog‘ida turli millat va din vakillari ko‘chat ekishdi

Bugun, 16 noyabr kuni “Yangi O‘zbekiston” bog‘ida “Bag‘rikenglik haftaligi” doirasida ma’naviy-ma’rifiy tadbirlar va ko‘chat ekish marosimi bo‘lib o‘tdi. Unda Din ishlari bo‘yicha qo‘mita hamda Millatlararo munosabatlar va xorijdagi vatandoshlar masalalari bo‘yicha qo‘mitasi rahbariyati, O‘zbekiston musulmonlari idorasi mutasaddi vakillari, imom-xatiblar, shuningdek, turli millat va diniy konfessiya yetakchilari qatnashdi.

Tadbir avvalida tashkil etilgan “Bag‘rikenglik marshi”da turli millat va din vakillari yelkadosh bo‘lib, yurtimizdagi tinchlik hamda hamjihatlik muhitini yorqin namoyon etdilar. Shundan so‘ng el-yurtimiz farovonligi yo‘lida xizmat qilib o‘tganlarning xotirasi yodga olinib, ularning ezgu ishlari eslandi.

Marosim davomida “Yashil makon” umummilliy loyihasi asosida bog‘ hududiga manzarali daraxt ko‘chatlari o‘tqazildi. Ushbu jarayonda Diniy idoraning Toshkent shahridagi vakili, poytaxt bosh-imom-xatibi Abduqahhor domla Yunusov Islom dinida yerni obod qilish, daraxt ekish eng fazilatli amal hamda savobi uzluksiz borib turadigan sadaqai joriya ekanini ta’kidlab, bunday xayrli ishlarning bardavom bo‘lishini so‘rab ezgu duolar qildi.

Ushbu tashabbus jamiyatda diniy bag‘rikenglik va millatlararo totuvlikni mustahkamlash barobarida tabiatni asrab-avaylash hamda kelajak avlodga obod vatan qoldirishdek oliy maqsadlarga xizmat qiladi.

O‘zbekiston musulmonlari idorasi Matbuot xizmati

O'zbekiston yangiliklari