O‘rta asrlarda musulmonlar savdo ishlari bilan juda qattiq shug‘ulangan. Ular dengizlardan suzib o‘tgan, karvonlarda sahrolarni, tog‘u toshlarni kezib yurgan. Tabiiyki, ular o‘zlari yurib o‘tgan manzillarni yaxshi o‘rgangan, chunki ortga qaytayotganda adashib ketmasligi kerak bo‘lgan-da. Shuningdek, ular borgan joylarida yashaydigan xalqning tilini o‘zlashtirgan, tabiatini o‘rgangan. Negaki, aynan ana shu narsalar savdoning muvaffaqiyatini ta’min etgan.
Yevropaliklarga Xitoy, Indoneziya, Afrika va Yevroosiyo haqida qimmatli ma’lumotlarni ham musulmon savdogarlari va sayyohlari yetkazgan.
XII asrda arab sayyohi al-Idrisiy Sitsiliya qiroli Rojer II iltimosiga ko‘ra, Yevropa, Osiyo va Afrika tarixi va geografiyasi haqida muhim manba bo‘lgan – dunyoning xaritasini chizadi va uni “Rojer kitobi” deb ataydi.
O‘MI Matbuot xizmati
Bismillahir Rohmanir Rohiym
"Sizlar o‘zlaringiz ichayotgan suvni (o‘ylab) ko‘rdingizmi? Uni bulutlardan sizlar yog‘dirdingizmi yoki Biz yog‘diruvchimizmi? Agar Biz xohlasak, uni sho‘r va achchiq qilib qo‘ygan bo‘lar edik. Bas, (shu obihayot uchun ham) shukr qilmaysizmi?" (Voqea surasi, 68-70-oyatlar).