Oyoqlar tirnoqlarining sarg‘ayib, qalinlashishi va yangi qavatlar o‘sib chiqishi, darz ketishi va barmoqlar orasining qichishishi — zamburug‘ (gribok) infeksiyasining belgilaridandir. Statistika Yer yuzi aholisining har 5-kishi bu illatdan aziyat chekishini ta’kidlaydi. Immunitet pasayishi, tor poyabzal, oyoqlarning haddan ziyod terlashi, badandagi ortiqcha vazn —bu kasallik yuqishining asosiy sabab bo‘luvchi omillaridandir. Agar oyoqlarda bunday belgilarni sezib qolsangiz, zudlik bilan undan forig‘ bo‘lishga kirishing.

Xalq tabobati davolash vositalari o‘zining faolligini amalda  ko‘rsatgan. Ulardan birini e’tiboringizga havola qilamiz. 

Tirnoqlar zamburug‘ illatiidan forig‘ bo‘lishda faol tabiiy vosita
Oddiy iste’mol sodasi va olma uksusi yordamida zamburug‘ga to‘liq barham berish mumkin.

Olma uksusini iliq suvga 1 : 3 nisbatda aralashtiriladi, bu aralashma tog‘oraga quyilib, unga oyoqlar 20 daqiqa davomida solib o‘tiriladi. Shundan so‘ng oyoqlar quruq holga kelgunicha sochiq bilan artiladi. Tog‘oraga yana 2 l iliq suv quyiladi va unga 2 osh qoshig‘ida iste’mol sodasi solib aralashtiriladi. Bu vannaga oyoqlar 15 daqiqa davomida solib o‘tiriladi, so‘ng oyoqlar undan olinib, sochiq bilan yana qurigunicha artiladi va zamburug‘ bilan og‘rigan tirnoqlar qaychi bilan kesib tashlanadi (ular oson ajralib chiqadi).

Zamburug‘ infeksiyasidan forig‘ bo‘lish uchun
bu muolajani har kuni kechqurun to sog‘ tirnoq o‘sib chiqqunigacha davom ettiriladi. Bu uslubdagi muolaja mohiyati shundan iboratki, zamburug‘ nordon suvda qirilib bitadi, iste’mol sodasi esa, kasallikning yangitdan tarqalishiga yo‘l qo‘ymaydi.

 Jaloliddin Nuriddinov tayyorladi

27 mart 2018 yil

O‘MI Matbuot xizmati