Kecha, 23 mart kuni Qozog‘istonning bosh muftiysi Serikbay hoji Oraz boshchiligidagi delegatsiya Toshkent shahriga tashrif buyurdi. 

Mehmonlarni Toshkent viloyati, Zangiota tumanidagi “G‘ishtko‘prik” chegara postida O‘zbekiston musulmonlari idorasi raisi o‘rinbosari I.Inomov, Din ishlari bo‘yicha qo‘mita Masjidlar bo‘limi boshlig‘i Z.Sultonov, O‘MI Xalqaro aloqalar bo‘limi mudiri M-A.Shakirov, O‘MI Masjidlar bo‘limi mudiri R.Rahmonovlar kutib oldilar.

Mehmonlar bugun, 24 mart kuni Toshkent islom universitetiga tashrif buyurib, u yerda tashkil etilgan o‘quv jarayoni, talabalar uchun yaratilgan sharoitlar bilan tanishdi. 

Bugunning o‘zida mehmonlar ishtirokida O‘zbekiston musulmonlari idorasida uchrashuv o‘tkazilishi hamda hujjatlar imzolanishi rejalashtirilgan. 

O‘MI Matbuot xizmati

{gallery}23322{/gallery}