Sayt test holatida ishlamoqda!
18 Avgust, 2026   |   5 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:08
Quyosh
05:35
Peshin
12:27
Asr
17:17
Shom
19:22
Xufton
20:45
Bismillah
18 Avgust, 2026, 5 Rabi`ul avval, 1448
Avvalgi sayt
#search
 YouTube

Islomda yo‘q...

21.03.2018   5916   1 min.
Islomda yo‘q...

1. Kimki oxirat ishini ro‘kach etib, boylik orttirishga intilsa, unday bandaga oxiratda nasiba yo‘q.

 

2. Jaholatdan ko‘ra yomonroq faqirlik yo‘q.

 

3. Aqldan ko‘ra foydaliroq mol yo‘q.

 

4. O‘ziga bino qo‘yishdan ko‘ra yomonroq yolg‘izlik yo‘q.

 

5. Maslahatdan ko‘ra ishonchliroq bir-birini qo‘llash yo‘q.

 

6. Tadbir qila bilishdek aql yo‘q.

 

7. Go‘zal xulqdek nasl-nasab yo‘q.

 

8. O‘zini tiya bilishdek taqvo yo‘q.

 

9. Tafakkurdek ibodat yo‘q.

 

10. Hayo va sabr qilishdek imon yo‘q.

 

11. Balog‘atga yetgandan so‘ng yetimlik yo‘q.

 

12. Islomda toq o‘tishga o‘rin yo‘q.

 

13. Fathdan so‘ng hijrat yo‘q.

 

14. Islomda chigallik yo‘q.

 

15. Omonatga xiyonat qiluvchida imon yo‘q.

 

16. Va’dasiga vafo qilmaydigan odamda din yo‘q.

 

17. Uch kundan ortiq arazlashib yurish yo‘q.

 

18. Istig‘for bilan gunohi kabira yo‘q.

 

19. Qur’on o‘qib yurgan banda uchun muhtojlik yo‘q va u uchun Qur’ondan ortiqroq boylik yo‘q.

 

20. Alloh uchun duodan o‘zga yoqimliroq narsa yo‘q.

 

21. Zulmdan ham ko‘ra jazosi tezroq keladigan narsa yo‘q.

 

22. O‘zgalarning och qornini to‘ydirishdan ko‘ra afzalroq amal yo‘q.

 

 

Davron NURMUHAMMAD

to‘pladi

O‘MI Matbuot xizmati

Maqolalar
Boshqa maqolalar
Yangiliklar

Malayziya telekanalida O‘zbekistonning ziyorat turizmi imkoniyatlari keng yoritildi

17.08.2026   25440   2 min.
Malayziya telekanalida O‘zbekistonning ziyorat turizmi imkoniyatlari keng yoritildi

Malayziyaning “Berita RTM” telekanalida O‘zbekistonda ziyorat turizmi sohasida amalga oshirilayotgan islohotlarga bag‘ishlangan maxsus dastur namoyish etildi, deb xabar bermoqda “Dunyo” AA.

Mamlakatimiz mustaqilligining 35 yilligi arafasida efirga uzatilgan ushbu ko‘rsatuvda malayziyalik professorlar – Badrul Isa va Norfadilah Kamaruddin tomonidan ishlab chiqilgan “O‘zbekiston–Malayziya: kreativ turizm” nomli loyiha taqdim etildi.

Olimlar tashabbusi bilan yaratilgan mazkur loyiha mamlakatimizning Malayziyadagi elchixonasi, Turizm qo‘mitasi va Islom sivilizatsiyasi markazi hamkorligida amalga oshirildi.

Tashabbus O‘zbekistonning turizm imkoniyatlari haqida “Visual storytelling” formatida professional raqamli kontent yaratishni nazarda tutadi.

Loyihaga ko‘ra, 17–31 avgust kunlari Malayziya UiTM texnologiya universitetining professional fotograflari va dizaynerlaridan iborat ijodiy jamoa Toshkent, Samarqand, Buxoro va Xorazmda suratga olish ishlarini olib boradi.

Malayziyalik ijodkorlar yurtimiz haqida tayyorlagan foto va videomateriallar “Instagram”, “Facebook”, “TikTok”, “YouTube” kabi internet platformalarda joylashtirilishi rejalashtirilgan. Loyihada yurtimiz oliy o‘quv yurtlarining dizayn, san’at, turizm va mehmonxona biznesi yo‘nalishidagi talabalari ham ishtirok etadi. Bu akademik, turizm va ijodiy sohalarda tajriba almashishni tashkil etish imkonini beradi.

Dasturda fikr bildirgan Badrul Isa loyiha ASЕAN mamlakatlari va musulmon olamida O‘zbekistonni yanada kengroq tanitishga xizmat qilishini ta’kidladi. Uning fikricha, raqamli platformalar orqali mamlakatimiz tarixiy merosi, ziyorat turizmi va amalga oshirilayotgan so‘nggi o‘zgarishlari keng yoritiladi.

“Biz boy tarixiy meros, yuksak madaniyat va mehmondo‘st xalqqa ega bo‘lgan O‘zbekistonni ASЕAN mintaqasi aholisi tomonidan qayta kashf etilishini istaymiz”, – dedi professor.

Shuningdek, u O‘zbekiston xalqini mustaqillikning 35 yilligi bilan tabriklab, loyiha natijalari ushbu sanaga munosib sovg‘a bo‘lishini qayd etdi.

Ushbu tashabbus O‘zbekistonning ziyorat turizmini ommalashtirish va ASЕAN mamlakatlaridan ko‘proq sayyohlarni jalb qilishga xizmat qilishi kutilmoqda.

O‘zbekiston musulmonlari idorasi Matbuot xizmati

O'zbekiston yangiliklari
#logo