O‘zbekiston Respublikasi o‘zining tarixiy qadamjolari, turli din vakillarining ahil yashashi bilan sayyohlar orasida mashhur. Biroq ushbu salohiyatning o‘zigina millionlab sayyohlarni mamlakatimizga jalb etish uchun yetarli emas. Buni O‘zbekistonga 2016 yilda 2 milliondan ortiq, 2017 yilning birinchi yarmida esa 1 million 125 ming nafar sayyohning tashrif buyurganidan kuzatish mumkin.
Ma’lumotlarga ko‘ra, jahonda islom diniga e’tiqod qiluvchi 1,6 milliard aholi istiqomat qiladi, shundan qariyb 150 millioni har yili sayohat qiladi.
Mamlakatimizga har yili 10 millionga yaqin sayhlarni qabul qilish maqsadga muvofiq bo‘ladi. Buning uchun esa, O‘zbekistonda sayyohlarni qabul qilish va xizmat ko‘rsatish sohasini rivojlantirishda amaliy ishlar amalga oshirilmoqda. Hamyonbop turar joylar va ovqatlanish shahobchalarini qurish, transport harajatlarini yanada kamaytirish, kamchiqimlikni xush ko‘ruvchi, isrof qilishni yomon ko‘ruvchi musulmon kishini O‘zbekistonga chorlaydi.
“Halol sayohat” bo‘yicha “Crescent Rating” tashkiloti tomonidan tuzilgan reytingda O‘zbekiston 28 pog‘onani egallagan. Bu 2017 yildagi holat. Reytingda mamlakatimizga “xavfsiz sayohat” (84.0), “Ibodatxonaga kirish erkinligi” (80.0), “Ovqatlanish imkoniyatlari va kafolatlari” (70.0) yo‘nalishlarida yuqori baholangan.
Biroq, “Oilaviy ta’til” (44.4), “Sayyohlarning kelishi” (21.2), “Aeroport imkoniyatlari” (48.3), “Yashash sharoitlari” (33.2), “Kommunikatsiya imkoniyatlari” (19.0), “Viza” (50.0), “Musulmonlar uchun imkoniyatlar” (25.0) yo‘nalishida esa o‘rta va quyi darajada baholangan.
Ushbu raqamlarni yaxshilash uchun esa quyidagi faoliyatni amalga oshirish zarur:
- musulmon mamlakatlari aholisi uchun “halol turizm” sayyohlik tur-paketlarini taqdim qilish;
- ovqatlanish shohobchalarini “Halol” sertifikatlash tizimini joriy etish;
- oilaviy sayohat qilish imkonitlarini yaratish;
- xalqaro va mahalliy ahamiyatga ega bo‘lgan aeroportlar imkoniyatini kengaytirish va ularning har birida namozxonalar va halol ovqatlanish uchun maxsus joylar ajratish;
- Halol mehmonxona va halol mehmon uylarini yaratish maqsadga muvofiqdir.
2018 yil yakunlari bo‘yicha ushbu reyting yaxshilanishiga umid bor, sababi O‘zbekiston 7 mamlakat fuqarolari uchun viza tizimini bekor qildi. Ularning ko‘pchiligi esa musulmon mamlakatlar hichoblanadi. Ziyorat turizmini yanada rivojlantirish mamlakatimiz iqtisodiyoti va uning ravnaqi uchun ham muhim o‘rin tutadi.
O‘MI Matbuot xizmati
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
