Sayt test holatida ishlamoqda!
04 Aprel, 2025   |   6 Shavvol, 1446

Toshkent shahri
Tong
04:41
Quyosh
06:01
Peshin
12:31
Asr
16:58
Shom
18:54
Xufton
20:10
Bismillah
04 Aprel, 2025, 6 Shavvol, 1446

Qozog‘iston musulmonlari idorasi raisi ta’ziya bildirdi

23.01.2018   4533   1 min.
Qozog‘iston musulmonlari idorasi raisi ta’ziya bildirdi

Qozog‘istonning Aqto‘be viloyatidagi fojiada yurtdoshlarimiz halok bo‘lgani munosabati bilan xorijiy musulmonlari idoralari rahbarlari, muftiylar nomidan O‘zbekiston musulmonlari idorasi nomiga hamdardlik maktublari kelishi davom etmoqda. Ularning ayrimlarini e’tiboringizga havola etamiz.

O‘zbekiston musulmonlari idorasi raisi,
muftiy Usmonxon Alimov hazratlariga,

Hurmali Muftiy hazratlari!
Qozog‘istonning Aqto‘be viloyatida ro‘y bergan fojiali hodisada 50 dan ziyod o‘zbekistonlik qardoshlarimiz qurbon bo‘lgani bizni chuqur qayg‘uga soldi. Shu munosabat bilan men Qozog‘iston mo‘min-musulmonlari nomidan Sizga chuqur ta’ziya bildiraman.
Mazkur fojiali hodisa tufayli halok bo‘lgan o‘zbekistonlik qardoshlarimiz haqqiga Qozog‘istonning barcha masjidlarida juma namozida duolar qilindi.
Alloh taolodan marhumlarni o‘z rahmatiga olishini so‘raymiz. Haq taolo bu musibat o‘rnini xayrli ishlar bilan to‘ldirsin.

Kamoli ehtirom bilan,

Qozog‘iston musulmonlari
idorasi raisi, muftiy Serikbay hoji ORAZ


Avval Turkiya diyonat ishlari boshqarmasi raisi professor, doktor Ali Erbosh, Qirg‘iziston musulmonlari idorasi raisi, muftiy Maxsatbek hoji Toxtamishev ta’ziya bildirgani haqida xabar bergan edik.
Hamdardlik maktublari kelishi davom etmoqda.

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Tashvishlarni o‘zing bilan olib ketasanmi?

03.04.2025   4472   1 min.
Tashvishlarni o‘zing bilan olib ketasanmi?

Bir g‘amgin kishi donishmandning huzuriga kelib: “Ayting-chi, meni qiynayotgan bu g‘am–tashvishlardan qutilishning biror chorasi bormi? deya dardini doston qildi. Shunda donishmand: “Avval mening ikki savolimga javob ber”, dedi. Birinchidan: “Sen dunyoga kelgan vaqtingda seni qiynayotgan shu muammolar bor edimi?”. Haligi kishi: “Yo‘q”, deb javob berdi.

“Dunyodan ketar vaqtingda shu g‘am-tashvishlarni o‘zing bilan olib ketasanmi?” deb ikkinchi savolni so‘radi donishmand. U yana: “Yo‘q”, dedi.

“Sen bilan kelmagan va sen bilan ketmaydigan, narsa uchun nimaga g‘am chekasan?! Dunyo ishlarida sabrli bo‘l! Nazaringni yerga emas, samoga qarat! Shunda muroding hosil bo‘ladi.

Tabassum qil! Rizqing o‘lchab qo‘yilgan. Taqdiring belgilangan. Dunyo ishlari g‘am chekishga arzimaydi. Chunki u mudom Tirik va Abadiy Zotning iznidadir”, deya nasihat qildi donishmand.

Ulamolarimiz: “Mo‘min ikki holatning orasida yashaydi. Biri yengillik, ikkinchisi qiyinchilik. Agar bilsa, ularning har ikkisi ham “ne’mat”dir. Chunki yengillikda shukr qilish ajru mukofotlarga sabab bo‘ladi: «Alloh shukr qiluvchilarni, albatta, mukofotlagay» (Oli Imron surasi, 144-oyat).

Qiyinchilikda esa sabr qilish imkoni bor. Alloh taolo sabr qiluvchilarga dunyoyu oxirat mukofotlarini beradi: «Albatta, sabr qiluvchilarga (oxiratda) mukofotlari behisob berilur» (Zumar surasi, 10-oyat).

Agar baxtli hayot kechirishni istasang, hamma narsani taftish qilaverma. Chunki qimmatbaho toshlar bilan shug‘ullanuvchilar olmosni hadeb tahlil qilavergach, uning asli ko‘mir ekanini aniqladilar.