Joriy yilning 9 oktyabr kuni Navoiy viloyati bosh imom-xatibi Temurxon domla Atoyev boshchiligida viloyatda faoliyat olib borayotgan barcha imom-xatiblar faoliyati samaradorligini yanada oshirishga bag‘ishlangan yig‘ilish bo‘lib o‘tdi. 
Yig‘ilish davomida har bir imom-xatib va imom noiblar o‘z ustida muntazam ishlashi, ilmiy saviyani yanada oshirishi,  aholi bilan muloqot qilishi, mo‘min-musulmonlar ehtiyojini ta’minlashi hamda xayriya yordamlari uyushtirishdagi uyushqoqlik, tizimdagi xodimlar o‘rtasida o‘zaro birdamlik muhiti yanada mustahkamlash zarur ekani alohida ta’kidlandi.
Shuningdek  kuz-qish mavsumiga tayyorgarlik ishlarini sifatli yakunlash va o‘z vaqtida vakillik mas’ullariga ma’lumot taqdim etishlari alohida aytib o‘tildi.

Navoiy viloyati vakilligi Matbuot xizmati