Sayt test holatida ishlamoqda!
30 Avgust, 2025   |   7 Rabi`ul avval, 1447

Toshkent shahri
Tong
04:24
Quyosh
05:47
Peshin
12:29
Asr
17:04
Shom
19:03
Xufton
20:19
Bismillah
30 Avgust, 2025, 7 Rabi`ul avval, 1447

Qur’on musobaqasining jami ishtirokchilari soni va tarkibi e’lon qilindi

16.01.2018   6539   2 min.
Qur’on musobaqasining jami ishtirokchilari  soni va tarkibi e’lon qilindi

 

Allohga hamdlar bo‘lsinki, ommaviy tarzda o‘tkazilayotgan Qur’on musobaqasining ilk yilidayoq diyorimizda Allohning kalomiga muhabbat qo‘ygan qori yigit-qizlarimiz soni ming-minglab ekani yaqqol namoyon bo‘ldi. Musobaqaning ilk bosqichini kuzatar ekanmiz, qori va qoriyalarimizning yuzidagi nur, muomalasidagi samimiylik va qiroatidagi jozibadan barchamiz so‘z bilan ta’riflab bo‘lmaydigan darajada mamnunlikni his etdik.

Agar insonning qalbi Qur’onga muhabbatli bo‘lsa, uning qiroatidan lazzatlanadi, unga bor e’tiborini qaratadi va buning natijasida chuqur tushunish uchun tadabbur hosil bo‘ladi. Barcha ishlari o‘ngidan oladi, nafs istaklari kamayib, ixlosi ortib boraveradi. Aksincha, agar muhabbat bo‘lmasa, qalbning Qur’onga yuzlanishi qiyin bo‘ladi. Qur’onga tomon burilish faqatgina nafsini qattiq tergash, o‘zini majburlash orqali bo‘ladi.

Biz orzu qilgan komil inson va barkamol avlodlar mana shunday Qur’onga muhabbatli kishilardan chiqadi. Yaratgan Parvardigorga ming shukrki, mana shunday insonlar bizning o‘lkamizda hali juda ham ko‘p ekan. Bunday ulug‘ ne’matni Haq taolo bardavom aylasin, barcha mutasaddilardan Alloh taolo rozi bo‘lsin.

Tashkiliy hay’at tomonidan Matbuot xizmatiga ma’lum qilinishicha, Qur’on musobaqasi ishtirokchilarini ro‘yxat olish ishlari 15 yanvar kuni yakunlangan. Unga ko‘ra, jami ishtirokchilari soni 5366 nafarni tashkil etgan. Shundan 3263 nafar erkak 2103 nafari ayol-qiz ishtirokchilar ekan. Mana bu ko‘rsatkich haqiqiy kutilmagan natija, tarixiy voqea bo‘ldi.

Mana endi ko‘pchilik muhtaram Prezidentimizning Qur’on musobaqasini o‘tkazishga katta tashabbus ko‘rsatib: “Qur’onni eshitish, eshita olish yuksak ma’naviyat, ma’rifat. Qur’on hech qachon yomonlikka da’vat qilmaydi. Agar, Qur’oni karimni eshita olsak, eshittira olsak bu muvaffaqqiyat bo‘ladi. Elimizga nur keladi”, deb aytgan gaplarining hikmatini anglagan bo‘lsa, ajab emas...
Musobaqalarning o‘tish jarayonlarini kuzata turib, mana shunday fayzu barakotli kunlardan mamnun bo‘lgan hamyurtlarimizning ko‘zlari yosh ila qo‘llarini duoga ko‘tarib, uning shukronasi uchun yaratgan Parvardigorga hamdu sanolar aytishayotgani, bu ishga tashabbuskor bo‘lgan Davlatimiz rahbari, tashkiliy ishlarga bosh bo‘lib turgan olimu ulamolarimiz haqqiga duolar qilishayotganing bevosita guvohi bo‘ldik, Yaratgan Parvardigorga shukr.

Azizlar barchangizning e’tiboringizga Qur’on musobaqasi ishtirokchilarining mintaqa, ayol-erkak va yo‘nalishlar bo‘yicha sonini havola etamiz.
Qori va qoriyalarimizning chiqishlarini jonli kuzatib, Qur’onga bo‘lgan muhabbatimizni yanada sayqallashga chaqiramiz.

O‘zbekiston musulmonlari idorasi Matbuot xizmati

Fotolavhalar
Boshqa maqolalar

Al-Buxoriy xalqaro universiteti vakillari “Ko‘kaldosh”da yoshlarni sinovdan o‘tkazdi

26.08.2025   5997   1 min.
Al-Buxoriy xalqaro universiteti vakillari “Ko‘kaldosh”da yoshlarni sinovdan o‘tkazdi

Shu kunlarda Malayziyada joylashgan Al-Buxoroiy xalqaro universiteti rektori Mohd Saleh bin Jaafar boshchiligidagi bir guruh mehmonlar mamlakatimizda mehmon bo‘lib turibdi. Tashrifning birinchi kuni mehmonlar O‘zbekiston musulmonlari idorasi huzuridagi “Vaqf” xayriya jamoat fondi rahbari Jahongir Salamov va “Ko‘kaldosh” o‘rta maxsus islom ta’lim muassasasi rahbariyati bilan uchrashuvlar o‘tkazdi. 


Ma’lumki, “Vaqf” xayriya jamoat fondi va mazkur universitet o‘rtasidagi kelishuvga ko‘ra, bir guruh o‘zbekistonlik yoshlar Malayziyaning Al-Buxoriy universitetida o‘qish imkoniyatiga ega bo‘lishi mumkin. Mazkur kelishuv doirasida tashrif buyurgan universitet vakillari ayni paytda poytaxtimizda joylashgan O‘zbekiston musulmonlari idorasi tasarrufidagi “Ko‘kaldosh” o‘rta maxsus islom ta’lim muassasasida yoshlar bilan suhbat-imtihon o‘tkazishmoqda.


To‘rt kundan buyon davom etayotgan suhbat davomida malayziyalik ustozlar o‘zbekistonlik yoshlar bilan ingliz tilida muloqot o‘tkazib, ularning bilim va salohiyatini sinovdan o‘tkazishmoqda. Shuni alohida ta’kidlash joizki, ustozlar malayziyada o‘qish istagini bildirgan yoshlarning ingliz tilida erkin muloqot qilishiga, ularning qiziqishi va iqtidoriga yuqori baho berishdi. Qayd etish lozim, suhbat-imtihonlardan muvaffaqiyatli o‘tgan yoshlar Malayziyada yuz foizlik grant asosida o‘qish imkoniyatini qo‘lga kiritishadi. 


Tashrif doirasida al-Buxoriy xalqaro universiteti rektori boshchiligidagi delegatsiya a’zolari Oliy ta’lim, fan va innovatsiyalar vazirligi, Tashqi ishlar vazirligi va boshqa bir qator idoralarda uchrashuvlar o‘tkazishi kutilmoqda. 

Vaqf.uz

Al-Buxoriy xalqaro universiteti vakillari “Ko‘kaldosh”da yoshlarni sinovdan o‘tkazdi Al-Buxoriy xalqaro universiteti vakillari “Ko‘kaldosh”da yoshlarni sinovdan o‘tkazdi Al-Buxoriy xalqaro universiteti vakillari “Ko‘kaldosh”da yoshlarni sinovdan o‘tkazdi