So‘nggi vaqtlarda din ravnaqi, sof Islom ta’limotini aholiga yetkazish borasida qator islohotlar amalga oshirilmoqda.
O‘zbekiston musulmonlari idorasi raisi, muftiy Usmonxon Alimov hazratlari, Toshkent viloyati bosh imom-xatibi Xayrulloh domla Turmatov hamda Pskent tumani imomlari ishtirokida “O‘smat Ota” jome masjidining yangi binosiga birinchi g‘isht qo‘yilgan edi.
Bugun, 2 yanvar kuni 2016 yilda qilingan xayrli duolarning ijobati sababli “O‘smat ota” jome masjidi zamonaviy va ko‘rkam holda qayta qurib foydalanishga topshirildi. Masjid binosida namozxonlar uchun barcha sharoitlar mujassam etilgan bo‘lib, kelgusida kutubxona, muzey tashkil etish va avtoturargoh qurish rejalashtirilgan. Masjidda bir vaqtning o‘zida 250-300 kishini sig‘dira oladi.
Muftiy Usmonxon Alimov hazratlari masjidning ochilish marosimida ishtirok etib, masjid ahlini ushbu quvonchli va tarixiy voqea bilan muborakbod etdilar.
Tuman hokimi A.Akromov tashabbusi bilan mehmonlar va masjid ahli uchun bayramona dasturxon yozildi.
{gallery}//2018/01.01.2018/OsmatOTA{/gallery}
O‘MI matbuot xizmati
Tadbirda Farg‘ona viloyati bosh imom-xatibi Ubaydulloh domla Abdullayev ishtirok etib, yosh diniy soha xodimlari bilan samimiy muloqot o‘tkazdi.
Suhbat davomida mamlakatimizda yoshlarga yaratilayotgan keng imkoniyatlar va ulardan samarali foydalanish masalalariga alohida to‘xtalib o‘tildi. Shuningdek, yosh imomlarga quyidagi yo‘nalishlarda muhim tavsiyalar berildi:
Aholi va jamoatchilik bilan muloqot madaniyatini yuksaltirish;
Ta’sirchan va mazmunli ma’ruzalar tayyorlash hamda voizlik odobiga rioya qilish;
Masjidlar faoliyatini zamon talablari darajasida to‘g‘ri tashkil etish.
Muloqotda yosh diniy soha vakillarining jamiyatda tutgan o‘rni, ayniqsa, yosh avlodni vatanparvarlik, sof ma’rifat va ezgulik ruhida tarbiyalashdagi mas’uliyati yuqori ekani ta’kidlandi.
Ochiq va samimiy ruhda o‘tgan uchrashuvda ishtirokchilar o‘zlarini qiziqtirgan savollarga batafsil javob oldilar.
Tadbir yakunida yosh mutaxassislar viloyat vakilligi va soha mutasaddilarining ish jarayoni bilan yaqindan tanishdilar.
O‘zbekiston musulmonlari idorasi
Farg‘ona viloyati vakilligi
Matbuot xizmati