Yurtimizda mehmon bo‘lib turgan Tatariston Respublikasi ulamolaridan iborat delegatsiya a’zolari Buxoro viloyatiga tashrif buyurdilar. Martabali mehmonlarga O‘zbekiston musulmonlari idorasi raisi o‘rinbosari Ibrohim Inomov hamrohlik qilmoqda. Mehmonlar qadimiy Buxoro zaminidagi ko‘plab tarixiy obidalarni ziyorat qilishdi. Ko‘hna va azim Buxoroning necha asrlardan beri tarix bilan tillashib kelayotgan masjid-u madrasalarida bo‘lgan mehmonlar muborak maskanlarda duoga qo‘l ochib, ikki davlat o‘rtasidagi do‘stona munosabatlar yanada mustahkam bo‘lishi, boshlanayotgan ishlar o‘zining ijobiy natijalarini ko‘rsatishini Yaratgandan so‘radilar.

{gallery}/01-11-2017/25{/gallery}

O‘zbekiston musulmonlari idorasining

Buxoro viloyati vakilligi axborot xizmati