Abu Hurayra roziyallohu anhudan rivoyat qilinadi: “Nabiy sollallohu alayhi vasallam: “Kim “Haa Miym” (Duxon surasi)ni kechasi qiroat qilsa, tong otguncha unga yetmish ming farishta istig‘for aytib chiqadi”, dedilar.
Qaysi kecha ekanini kelgusi hadisi sharifdan bilib olamiz. Yana o‘sha kishidan rivoyat qilinadi: “Nabiy sollallohu alayhi vasallam: “Kim “Haa Miym”ni juma kechasi qiroat qilsa, mag‘firat qilinadi”, dedilar.
Demak, “Duxon” surasini juma kechasi qiroat qilsa, u mag‘firat qilinar ekan. O‘sha mag‘firat qilinadigan gunohlar sag‘ira – kichik gunohlar ekanini ulamolarimiz alohida ta’kidlaganalar.
“Kim “Haa Miym ”ni juma kechasi yoki juma kuni qiroat qilsa, Alloh unga jannatda bir uy bino qiladi”, deganlar (Imom Tabaroniy rivoyati).
Abdulloh PARPIYEV,
Xalqaro aloqalar bo‘limi xodimi
Xayrli ishlar Samarqand viloyatida ham izchil davom ettirilmoqda. Ayni maqsadni ko‘zlagan holda, Samarqand viloyati bosh imom-xatibi o‘rinbosari Nursultonxon domla Abdumannonov Bulung‘ur tumanidagi “Olomon” jome masjidida bo‘lib, bu yerda tashkil etilgan navbatdagi xayriya tadbirida ishtirok etdi.
Ma’rifiy suhbat va ehson dasturxoni shaklida o‘tgan ushbu marosimga 200 nafar nuroniy otaxon va ko‘makka muhtoj fuqarolar taklif etildi.
Tadbir doirasida ijtimoiy himoyaga muhtoj 20 ta oilaga maxsus hadya va moddiy yordamlar topshirilib, ularning ko‘ngli shod etildi.
Samimiy ruhda kechgan suhbatlar davomida xalqimizga xos mehr-oqibat, saxovat va o‘zaro ko‘mak kabi yuksak insoniy fazilatlarning ahamiyati yana bir bor ta’kidlanib, yurt tinchligi va el farovonligi uchun duolar qilindi.
Sammuslim.uz