Farg‘ona va Qo‘qon shaharlarida “Haj-2026” mavsumi ziyoratchilari bilan keng ko‘lamli uchrashuvlar o‘tkazildi.

Viloyat bosh imom-xatibi Ubaydulloh domla Abdullayev hamda tegishli idoralar vakillari ishtirok etgan tadbirda ziyoratchilarga ibodatning ma’naviy fazilatlari va safar davomida amal qilinishi lozim bo‘lgan tartib-qoidalar batafsil tushuntirildi. 
 

Uchrashuvda xavfsizlik, tibbiy xizmat va tashkiliy masalalarga alohida urg‘u berildi.

Mutasaddilar ziyoratchilarni intizomga rioya qilish va guruh rahbarlari tavsiyalariga amal qilishga chaqirdilar.

Tadbir yakunida bo‘lajak hojilarga oq yo‘l va ibodatlari qabul bo‘lishi tilab duolar qilindi. 

O‘zbekiston musulmonlari idorasi

Matbuot xizmati