Sayt test holatida ishlamoqda!
11 Avgust, 2026   |   28 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:58
Quyosh
05:28
Peshin
12:30
Asr
17:24
Shom
19:32
Xufton
21:00
Bismillah
11 Avgust, 2026, 28 Safar, 1448
Avvalgi sayt
#search
 YouTube

Rasululloh sollallohu alayhi vasallam aytadilar

04.08.2017   26109   2 min.
Rasululloh sollallohu alayhi vasallam aytadilar
  1. “Uch kishining duosi qaytarilmaydi: adolatli imom, ro‘zador to iftor qilgunicha va mazlumning duosi”(Ibn Moja, Imom Termiziy rivoyati). 

  2. “Uch narsaga qasam ichaman: Bandaning moli sadaqa qilish bilan kamaymaydi. Kimga biror zulm yetganida sabr qilsa, Alloh uning izzat-sharafini oshiradi. Kim tilanchilik eshigini ochsa, Alloh unga faqirlik eshigini ochadi...” (Imom Termiziy rivoyati).

 

  1. “Dinning ofati uchtadir: Gunohlarni qilaveruvchi faqih, zolim imom va johil mujtahid” (Imom Daylamiy rivoyati).

 

  1. Munofiqning alomati uchta: agar gapirsa, yolg‘on so‘zlaydi; agar va’da bersa, xilof qiladi; agar omonat berilsa, xiyonat qiladi (Imom Buxoriy, Imom Muslim rivoyati).

 

  1. Uchta duo ijobat qilingan: Ro‘zadorning duosi, musofirning duosi va mazlumning duosi (Aqiyliy rivoyati).

 

  1. Uch narsa borki, o‘sha narsani haqligini bilaman. Bir kishi zulm qilinganda afv qilsa, Alloh u bilan azizlikni ziyoda qiladi. Bir kishi tilanchilik eshigini ochsa va u bilan mol-dunyosi ko‘payishini talab qilsa, Alloh unga kambag‘allikni ziyoda qiladi. Bir kishi o‘ziga sadaqa eshigini ochsa va u bilan Allohning roziligini talab qilsa, Alloh unga faqat ko‘plikni ziyoda qiladi (Imom Bayhaqiy rivoyati).

 

  1. Uchta fazilat borki, musulmon kishini dunyodagi saodatidir: Solih qo‘shni, keng maskan va yengil markab (Imom Tabaroniy rivoyati).
  2. Uch narsa omonlikdir: Ichidayu ustida Allohdan qo‘rqish, rozilikdayu, g‘azabi kelganda adolatli bo‘lish, kambag‘alligu boylikda tejamkor bo‘lish. Uch narsa borki, u halokatdir: Havoyi nafsiga tobe’ bo‘lish, o‘ziga bo‘ysundiruvchi xasislik va kishi o‘zi haqida yuksak fikrda bo‘lishi (Abu Shayx rivoyati).

 

  1. Inson o‘zidan keyin qoldirgan narsalarning eng yaxshisi uchtadir: Duo qilib turuvchi solih farzand, sadaqai joriya, o‘zidan keyin foydalaniladigan ilm (Abu Qatoda rivoyati).

 

  1. Uchta yolg‘ondan boshqa barcha yolg‘on yoziladi: Urushda kishi yolg‘on gapirishi. Chunki urush hiyladir. Kishi xotinini rozi etishi uchun yolg‘on gapirishi. Ikki kishini orasini isloh qilish uchun yolg‘on gapirish (Imom Ibn Sunniy rivoyati).
Hadisi sharif
Boshqa maqolalar
Yangiliklar

Buxoroda 600 dan ortiq abituriyent imtihon topshirdi (fotolavha)

10.08.2026   4637   1 min.
Buxoroda 600 dan ortiq abituriyent imtihon topshirdi (fotolavha)

O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun kirish test sinovlarining 5-hudud (Buxoro viloyati) bo‘yicha imtihon jarayonlari Mir Arab oliy madrasasi binosida bo‘lib o‘tdi.


Mazkur hudud bo‘yicha diniy ta’lim muassasalariga hujjat topshirgan 657 nafar abituriyent test sinovlarida ishtirok etdi.


Imtihonlarning shaffofligi, adolatliligi hamda tartib-intizomini ta’minlash maqsadida jarayonlarga Din ishlari bo‘yicha qo‘mita va O‘zbekiston musulmonlari idorasi mas’ul rahbarlari, diniy ta’lim muassasalari mutasaddilari, pedagog-o‘qituvchilar hamda ichki ishlar va tibbiyot xodimlari jalb etildi.


Test sinovlari boshlanishidan oldin abituriyentlarga imtihon topshirish tartibi va baholash mezonlari batafsil tushuntirildi. Barcha jarayonlar belgilangan talab va qoidalarga muvofiq, yuqori darajada tashkil etildi.


Tashkilotchilar test jarayonlarining shaffof va tartibli o‘tishiga yaqindan ko‘maklashgan Buxoro shahar ichki ishlar organi, sog‘liqni saqlash boshqarmasi tibbiyot xodimlari hamda diniy ta’lim muassasalari vakillariga o‘z minnatdorligini bildirdilar. 

O‘zbekiston musulmonlari idorasi
Matbuot xizmati

Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha) Buxoroda 600 dan ortiq abituriyent imtihon topshirdi (fotolavha)
O'zbekiston yangiliklari
#logo