2017 yil 30 may kuni O‘zbekiston Milliy matbuot markazida bo‘lib o‘tgan matbuot anjumanida Din ishlari bo‘yicha qo‘mita raisi O.Yusupov joriy yildan boshlab 7200 nafar yurtdoshimiz Haj safarini, kelgusi yildan boshlab esa 10 ming nafar yurtdoshimiz Umra ziyoratini ado etishi rejalashtirilganini e’lon qildi.
Eslatib o‘tamiz, hozirga qadar har yili yurtdoshlarimizdan 5 ming nafari Haj safarini hamda 6 ming nafari esa Umra ziyoratini ado etib kelishayotgan edi.
O‘zbekiston musulmonlari idorasi axborot xizmati
Imom Buxoriy nomidagi Toshkent islom institutida 2-kurs talabalari uchun 26 yanvardan 21 fevralga qadar 4 haftalik tanishuv malakaviy amaliyoti tashkil etildi. Amaliyot nazariy bilimlarni amaliy tajriba bilan uyg‘unlashtirish va talabalarning kasbiy ko‘nikmalarini oshirishga qaratilgan.
Talabalar O‘zbekiston musulmonlari idorasining ta’lim, Qur’on va tajvid, masjidlar, xalqaro aloqalar, kutubxona, xotin-qizlar hamda matbuot bo‘limlarida, shuningdek, Fatvo markazi, «Vaqf» fondi va boshqa tizim tashkilotlarida amaliyot o‘tamoqdalar.
Amaliyot davomida ular ish jarayonlari bilan tanishib, soha mutaxassislaridan tajriba orttirmoqda, jamoada ishlash va mustaqil qaror qabul qilish ko‘nikmalarini rivojlantirmoqdalar.
Mazkur jarayon talabalarning kasbiy salohiyatini oshirish va raqobatbardosh mutaxassis sifatida shakllanishida muhim ahamiyat kasb etadi.
O‘zbekiston musulmonlari idorasi
Matbuot xizmati