Masjidlar bilan ishlash bo‘limi
Bo‘lim mudiri Rahimberdi Rahmonov
|
Qabul vaqtlari |
Dushanbadan Jumagacha |
|
Telefon raqami |
+99871 150-64-12 |
|
Elektron pochta |
Ushbu bo‘lim mamlakatimizdagi masjidlar faoliyatini tartibga solish va nazorat qilish, ularning eski binolarini ta’mirlash, yangilarini qurish, masjidlarni davlat ro‘xatidan o‘tkazish kabi masalalar bilan shug‘ullanadi. Mustaqillikdan oldin bor-yo‘g‘i 84 taga yaqin masjid bo‘lgan mamlakatimizda hozir 2000 dan ziyod jome ishlab turibdi. Imom-xatiblar va ularning noiblari malakasini oshirish va tajribasini boyitish, qayta tayyorlash uchun maxsus o‘quv kurslari tashkil etish, masjidlarga oliy va o‘rta maxsus ma’lumotli, iqtidorli kadrlarni jalb etish bo‘limning asosiy vazifalaridir. Bo‘lim masjidlarning joylardagi mahalla, maktab, ma’rifat-ma’naviyat markazlari bilan aloqasini yo‘lga qo‘yish kabi masalalar bilan ham shug‘ullanadi. Yoshlarning ma’naviy tarbiyasi, muhtoj, kam ta’minlangan oilalarga, nogironlarga masjidlar orqali xayriya yordamlari kabi ishlarga hissa qo‘shadi.
Bo‘lim har yili Ramazon oyida masjidlarda diyorimiz qorilarini jalb qilgan holda, Qur’oni karim xatmlarini tashkil etmoqda. Keyingi yillarda respublika bo‘yicha 600–700 dan ziyod, Toshkent shahrida 100 ga yaqin masjidda Qur’oni karim xatm qilinmoqda. «Yil imomi» ko‘rik-tanlovi muntazam o‘tkazib kelinmoqda.
Masjidlar bilan ishlash bo‘limini turli yillarda Yusufxon Shokirov, Abdug‘ani Abdullayev, Salohiddin Muhiddinov, Fozil qori Sobirov, Foziljon Ubaydullayev, Abdulaziz Mansur, Abdug‘ani Ismoilov, Homidjon Ishmatbekov, Muhammadnazar Qayumov boshqarishgan. Hozir bo‘limga Rahimberdi Rahmonov rahbarlik qilyapti.
Bo‘limda Is'hoqjon Begmatov, Muzaffar Kamolov hamda Sarvar Muhammadiyevlar faoliyat olib boradilar.
Bo‘lim faoliyatidan fotolavhalar:
Ilmiy-amaliy anjuman doirasida bir guruh ustoz va xodimlar munosib taqdirlandi
O‘zbekiston musulmonlari idorasi tomonidan tashkil etilgan «Zamonaviy diniy ta’lim: pedagogika, ilm-ma’rifat va innovatsiya» mavzusidagi I ilmiy-amaliy anjumani doirasida sohada alohida o‘rnak ko‘rsatgan ustozlarni taqdirlash marosimi bo‘lib o‘tdi.
Anjumanda Davlatimiz Rahbari tashabbuslari bilan har jabhada amalga oshirilayotgan islohotlar qatorida ilm-fanni taraqqiy ettirish, ajdodlar merosini o‘rganish, diniy ta’limni rivojlantirish va sohaga ko‘rsatilayotgan yuksak e’tibordan mamnunlik kayfiyati hukm surdi.
Diniy idora tasarrufidagi oliy va o‘rta maxsus diniy ta’lim muassasalarida samarali faoliyat yuritib, yoshlarga ta’lim-tarbiya berish, soha rivojiga munosib hissa qo‘shish hamda dinimizning sofligini asrash yo‘lida fidokorona mehnat qilayotgan bir guruh pedagog va mudarrislar mehnati munosib e’tirof etildi.
Tadbir davomida sohadagi fidokorona va samarali mehnatlari uchun quyidagi ustoz va pedagoglar Faxriy yorliq hamda Umra yo‘llanmalari bilan mukofotlandi:
- Rahmatulla Umarov — Sayyid Muhyiddin maxdum o‘rta maxsus islom ta’lim muassasasi o‘qituvchisi.
- Maxtumquli Toshqulov — Xoja Buxoriy o‘rta maxsus islom ta’lim muassasasi o‘qituvchisi.
- Azimxon Abdullayev — Hidoya o‘rta maxsus islom ta’lim muassasasi o‘qituvchisi.
- Abdulbosit Rahimov — Mir Arab o‘rta maxsus islom ta’lim muassasasi o‘qituvchisi.
Shuningdek, anjuman doirasida diniy ta’lim tizimida namunali rahbarlik qilgan, fidokorona pedagogik va ilmiy-faoliyat olib borgan,ta’lim muassasalarining moddiy-texnik bazasini mustahkamlash, to‘garaklarni samarali tashkil etishdagi alohida xizmatlari uchun yana 15 nafar rahbar va o‘qituvchilar O‘zbekiston musulmonlari idorasining Faxriy yorliqlari hamda esdalik sovg‘alari — televizor, noutbuk va planshetlar bilan taqdirlandi.
O‘zbekiston musulmonlari idorasi jamoasi taqdirlangan barcha ustoz va xodimlarni ushbu yuksak e’tirof bilan samimiy muborakbod etib, ularning kelgusi ilmiy va pedagogik faoliyatlarida ulkan zafarlar tilaydi.
O‘zbekiston musulmonlari idorasi Matbuot xizmati
- «
- »