O`zbekiston musulmonlari idorasi

Xotin-qizlar masalalari bo‘yicha bo‘lim

15.05.2017 51628 2 min.

Bo‘limda Maryam Abdullayeva hamda Munira Abubakirovalar faoliyat yuritishadi.

Qabul vaqtlari: dushanba - juma kunlari soat 9-00 dan – 17-00 gacha

Telefon raqami: +99871 240-05-07

Elektron pochta: umi_nisa@mail.ru

Bo‘limning vazifalari:

Xotin-qizlarning diniy ma’rifiy salohiyatini oshirish, oilada sog‘lom muhitni shakllantirish, ona va bola salomatligiga e’tibor qaratish yo‘lida Xotin-qizlar qo‘mitalari, Respublika “Oila” ilmiy-amaliy markazi va Din ishlari bo‘yicha qo‘mita bilan hamkorlikda ish olib boradi.

Idoraga murojaat qilib kelgan ayol-qizlarning diniy-ma’rifiy va oilaviy muammolarini hal qilish yuzasidan tegishli maslahatlar beradi hamda vakolati doirasida yordam ko‘rsatadi.

Qoraqalpog‘iston Respublikasi, viloyatlar va Toshkent shahar bosh imom-xatiblarining xotin-qizlar masalalari bo‘yicha yordamchilari bilan hamkorlikda quyidagi ishlarni olib boradi:

Ayollar o‘rtasidagi ma’naviy muhitga salbiy ta’sir ko‘rsatish, milliy qadriyat va hanafiy mazhabi ta’limotiga zid bo‘lgan g‘oyalarni targ‘ib qilish holatlariga yo‘l qo‘ymaslik choralari ko‘rish;

Shuningdek, folbinlik va bid’at-xurofotlarni oldini olish yuzasidan tushuntirish ishlari olib borish;

O‘quv muassasalari, tashkilot va mahalla yig‘inlarida ayollar va qizlar ma’rifatli, vatanparvar, oila va jamiyat manfaatiga xizmat qiluvchi shaxs sifatida kamol topishiga va ularni turli buzg‘unchi oqimlar ta’siridan saqlash;

Ayollar orasida to‘y va ma’raka-marosimlarning dabdaba va isrofgarchiliksiz o‘tkazish bo‘yicha targ‘ibot olib borish;

Jamiyatda uchraydigan giyohvandlik, axloqsizlik va o‘z joniga qasd qilish kabi noxush holatlarning oldini olish maqsadida joylardagi Xotin-qizlar qo‘mitalari va mahalla faollari bilan hamkorlikda tushuntirish ishlari olib borish;

Ayollar orasida oilaviy ajrimlar, qaynona-kelin, er-xotin mojarolarining oldini olish yuzasidan tushuntirish ishlari olib borish;

“Hidoyat” jurnali, “Islom nuri” gazetasi va “muslim.uz” saytida turli mavzularda maqolalar bilan ishtirok etish.