Qadim zamonda suv tashuvchi bir yigit bo‘lgan ekan. U obkashining ikki chetiga ilingan chelaklarda suv tashir ekan. Chelaklardan birining tagida teshik bo‘lib, manzilga yetguncha suvning yarmi to‘kilib borar ekan. Butun chelak o‘z vazifasini to‘la-to‘kis bajarayotganidan mag‘rurlanar, teshik chelak esa ishining yarminigina bajara olayotganidan uyalib, xijolat chekar ekan.
Bir kuni teshik chelak egasiga debdi: "Men sendan uzr so‘ramoqchiman, olgan suvingning yarminigina yetkaza olaman". Suv tashuvchi yigit unga javoban: "Seni ko‘tarib keladigan tomonimdagi gullarni ko‘rganmisan? Men ularni ataylab shu tomonga ekkanman. Har safar suv tashiganimda sen ularni sug‘orib ketasan. Men necha martalab ayolimga shu gullardan guldastalar sovg‘a qilganman. Buning uchun senga rahmat aytaman", debdi.
Tadbirkor odam hatto teshik chelakdan ham o‘zi uchun foyda ola biladi.
Akbarshoh Rasulov
Ta’lim muassasasi direktori K.Islamov hamrohligida mehmonlar dastlab o‘quv jarayonlari, dars sifati va talabalar bilimini oshirishga qaratilgan metodik yondashuvlar bilan yaqindan tanishdilar. Shundan so‘ng bitiruvchi kurs talabalari bilan yuzma-yuz muloqot o‘tkazildi. Uchrashuv davomida bo‘lajak mutaxassislarga ularning ishga taqsimoti, faoliyat boshlaydigan masjid va muassasalardagi vazifalari hamda kasbiy mas’uliyati yuzasidan atroflicha ma’lumot berildi.
Tashrif yakunida mutaxassislar tomonidan ta’lim sifatini yanada oshirish, tarbiyaviy ishlarni kuchaytirish hamda talabalar uchun sharoitlarni takomillashtirish bo‘yicha muhim tavsiyalar bildirildi. Ma’lumot o‘rnida aytish joizki, 2025-2026 o‘quv yilida mazkur ta’lim muassasasini 24 nafar talaba tamomlab, diniy-ma’rifiy sohada o‘z xizmat faoliyatini boshlash arafasida turibdi.
“Imom Termiziy” O‘MITM
Matbuot xizmati