Alloh taolo saxiylikni insonlarning eng yaxshi fazilatlaridan sanab, saxiy kishilarga oxiratda ulkan ajr-savoblar bo‘lishi xabarini bergan. O‘zbekiston musulmonlari idorasi raisi, muftiy Usmonxon Alimov hazratlarining ushbu yangi kitobida musulmonlar hayotida sadaqa va xayr-ehsonning o‘rni va bu yaxshi amalning fazilatlari haqida so‘z yuritiladi. Musannif sadaqa, xayr-ehsonga targ‘ib qilingan Qur’oni karim oyatlari va hadisi shariflarni keltirish bilan birga, ularni keng sharhlaydi. Solih salaflar, ajdodlarimiz hayotidan bu boradagi ibratli voqealarni hikoya qiladi.