G‘olib ot egari dunyoda eng aziz makon,
Kitob yaqin do‘stingdir sening, bo‘lsang kitobxon.

Siz doimo nimadir bilan mashg‘ul bo‘lishingiz va bo‘shashib, dangasalik qilib bekorchi bo‘lmasligingiz lozim. Buning uchun siz o‘rningizdan turib uyingiz va darsxonangizni tozalang, vazifalaringizni bajaring, namoz o‘qing, Qur’on yoki biror foydali kitoblarni o‘qing, foydali biror narsa tinglang yoki qo‘shnilaringiz va do‘stlaringiz bilan sizlarni Alloh tomon yaqinlashtiradigan mavzularda suhbat quring. Shunda siz saodat, mamnuniyat va shodlikni chinakamiga his etasiz. Hech qachon bo‘sh vaqtingizni bekorchilik bilan o‘tkazmang. Chunki behuda yurish insonga g‘am-qayg‘u, vasvasa va xafalik keltiradi. Bu narsalarni esa faqatgina biror foydali ish bilan mashg‘ul bo‘lishgina ketkazadi.

Uy ichida chiroyli ko‘rinishingiz va xushbo‘ylanish uchun tashqi ko‘rinishingizga hamda uy ichini tartibli saqlashga alohida e’tibor qarating. Eringiz, farzandlaringiz, do‘st va yaqinlaringiz bilan go‘zal muomala qiling hamda ular bilan doimo tabassum va ochiqko‘ngillik bilan gaplashing.

Gunoh ishlardan juda ehtiyot bo‘ling. Xususan, harom etilgan narsalarga nazar solish, begona erkaklar uchun o‘ziga zeb berish va ular bilan xoli qolish, la’natlash, so‘kish, g‘iybat qilish, erning haqqini bilmaslik kabi ayollarda ko‘p uchraydigan gunohlardan chetda bo‘ling. Bu gunohlar ayollarimiz orasida keng yoyilib bormoqda. Undan faqat Alloh rahm qilganlargina omonda qolishi mumkin. Alloh taoloning g‘azabidan ehtiyot bo‘ling va U zotdan qo‘rqing. Chunki Unga taqvo qilish baxtli bo‘lishingiz va qalbingiz xotirjamligi kafolatidir.

Shu’la: Agar tashvish kelib, g‘am-qayg‘u ko‘paysa “Laa ilaha illalloh“, (Allohdan o‘zga iloh yo‘q) deb ayting.

Doktor Oiz al-Qarniyning
"Dunyodagi eng baxtli ayol" kitobidan