Sayt test holatida ishlamoqda!
09 Noyabr, 2026   |   29 Jumadul avval, 1448
search icon
Avvalgi sayt
ЎЗ РУ EN AR

Toshkent shahri
Tong
05:43
Quyosh
07:04
Peshin
12:12
Asr
15:28
Shom
17:12
Xufton
18:28
Bismillah
09 Noyabr, 2026, 29 Jumadul avval, 1448
Avvalgi sayt
#search
 YouTube

Ibratli dunyo

10.02.2017   19577   2 min.
Ibratli dunyo

Yuz bergan kuchli to‘fondan bir boy kishining barcha mol-dunyosi suvga g‘arq bo‘libdi. Butun boyligi birpasda yo‘q bo‘lganiga chidamagan boy ko‘chalarda faryodu-fig‘on chekib yig‘lab ketayotsa, qarshisidan bir odam chiqib qolibdi:

- Kap-katta odamga yig‘lash nimasi? - deya savol beribdi ajablanib.

- Men yig‘lamay kim yig‘lasin? - debdi u. - Bir zumda hamma mol-mulkimdan ayrilib, faqir-qashshoq bo‘lib qoldim-ku!..

- Ko‘p g‘am chekma, - deya ovutishga tushibdi yo‘lovchi kishi. - Umr yo‘ldoshing bormi?

- Bor, - debdi boy biroz hayron bo‘lib.

- Uning aqlu-hushi, farosati bormi? Boy bir zum o‘ylanib qolibdi va:

- Ha, bu jihatdan baxtiyorman! Farosatli, soliha, har doim kayfiyatimga qarab yashaydigan jufti halolim bor, - debdi boy.

- U holda nega yig‘laysan, ey g‘ofil banda?! Bu dunyoda mato uchun ham ko‘z-yosh to‘kadimi, odam? Saboq uchun bir gap aytay senga, men shunday bir xotinga uylanganmanki, erning qadr-qimmatiga yetmaydi. Sen falokatning nimaligini bilmas ekansan. Agar sen ham aqli kalta, tili uzun, jag‘i tinmas bir xotinga uylangan bo‘lganingda, o‘shanda bilarding haqiqiy falokat nimaligini! Do‘konlaring suvga g‘arq bo‘lgan bo‘lsa, sen sog‘ ekansan-ku, hammasini topasan. Faqat yoningda ko‘nglingdagidek ayoling senga madadkor bo‘lsa, ma’naviy quvvat berib tursa tezda o‘zingni o‘nglab olasan, - debdi, yo‘lovchi.

Xalqimizda "Yaxshi xotin yarim davlat" degan gap bejiz aytilmagan. Darhaqiqat, soliha, oqila ayol faqat jufti halolining emas, butun jamiyatning gultoji hisoblanadi. Chunki, tarbiyasi go‘zal ayol avvalo, ota-onalarini e’zozlaydi, turmush o‘rtog‘ini ardoqlaydi, asosiysi, farzandlariga chiroyli tarbiya berib, jamiyatga komil insonlarni voyaga yetkazib beradi.

TII talabasi

Tojiddinov Abdussomad

Boshqa maqolalar

Shayx Mahmud Xalil al-Husariy Qur’on shaxsiyati sifatida tanlandi

06.03.2026   17669   2 min.
Shayx Mahmud Xalil al-Husariy Qur’on shaxsiyati sifatida tanlandi

“Xalqaro Qur’oni karim mukofoti”  Shayx Mahmud Xalil al-Husariyni dunyo miqyosidagi Qur’on shaxsiyati sifatida tanladi


“IQNA” sayti xabariga ko‘ra, Birlashgan Arab Amirliklari Prezidenti o‘rinbosari, Vazirlar Kengashi raisi, Dubay amiri Shayx Muhammad bin Roshid Ol Maktum janoblari misrlik mashhur qori, Shayx Mahmud Xalil al-Husariy rahimahullohni “Dubay xalqaro Qur’oni karim mukofoti” ning g‘olibi sifatida e’lon qildi.

Dubay amiri Shayx Muhammad bin Roshid Ol Maktum o‘zining X (sobiq Twitter) akkauntida shunday deb yozdi:

“Dubay xalqaro Qur’oni karim mukofoti” Qur’oni karim kitobiga xizmat qilish, hofizlar va qorilarni taqdirlash, Qur’oni karim ilmlari bo‘yicha xizmat ko‘rsatgan fidoiylarga ehtirom ko‘rsatish maqsadida 28 yildan beri faoliyat yuritib kelmoqda. Bugun biz buyuk bir ulug‘ islomiy shaxsni dunyo miqyosidagi “Qur’oni karim shaxsiyati” sifatida taqdirlashimizni e’lon qilamiz: “Shayx Mahmud Xalil al-Husriy... Zamonamizning tilovat ulamolaridan biri... Birinchi bo‘lib Qur’oni karimni to‘liq murattal (tartil) uslubida yozib qoldirgan... Sharqu g‘arbda eng ko‘p tarqalgan yetuk qorilardan biri sifatida e’tirof etilgan. Alloh taolo u kishini rahmatiga olsin va ushbu buyuk ishlarini hasanot tarozisiga qo‘shsin”.

Shayx Muhammad bin Roshid Ol Maktum qo‘shimcha qildi: "Shuningdek, bu yil “Dubay xalqaro Qur’oni karim mukofoti” doirasida dunyoning turli burchaklaridan tanlangan oltita ajoyib qori ovozini tanladik.  Ular 2026 yil uchun “Qur’oni karim tilovati bo‘yicha eng xushovoz qori” unvoni uchun musobaqalashadi. Yuraklarni titratadigan ovozlar... Respublika ovoz berish eshigini ochib, jamoatchilikni 2026 yilning eng go‘zal Qur’on ovozini tanlash tadbirida qatnashishga taklif etamiz. G‘oliblarni shu yilning 2 mart kuni Qur’oni karim va uning ahlini ulug‘laydigan tantanali marosimda mukofotlaymiz”.

Ilyos AHMЕDOV