2016 yilning 18 yanvar kuni Farg‘ona viloyati imom-xatiblari va imom-noiblarining 2016 yil yakuniga bag‘ishlangan umumiy yig‘ilishi bo‘lib o‘tdi. Unda viloyat hokimi o‘rinbosari Qamariddin Imomov, O‘zbekiston musulmonlari idorasi Masjidlar bo‘limi mudiri Muhammadnazar Qayumov, ishtirok etdi.
O‘zbekiston musulmonlari idorasining Farg‘ona viloyatidagi vakili Tursunali Erbo‘tayev vakillik xodimlari va imom-xatiblarning 2016 yilgi faoliyati bo‘yicha umumiy hisobot berdi.
Yig‘ilishda o‘tgan davr mobaynida amalga oshirilgan ishlar va yo‘l qo‘yilgan kamchiliklar tanqidiy ko‘rib chiqildi. Jumladan, 2016 yilda ish faoliyati, ma’naviy-ma’rifiy tadbirlar va ommaviy axborot vositalaridagi chiqishlar bo‘yicha kamchilik va sustkashlikka yo‘l qo‘ygan xodimlarga nisbatan birma-bir qattiq tanbeh berilib, kelgusida o‘z vazifasini suiiste’mol qilgan xodimlarga qattiq intizomiy chora ko‘rish va hatto vazifasidan ozod etilish to‘g‘risida ogohlantirildi.
Imom-xatiblarga OAVlarda yoshlarning har xil zararli oqimlar ta’siriga tushib qolishini oldini olishga qaratilgan maqolalarni gazeta, jurnal va internet saytlarida muntazam yoritib borish, kitobxonlikni oshirish shu bilan birga vakillik tasarrufidagi barcha masjidlarda obodonlashtirish ishlarini olib borish, namozxonlar uchun qulay sharoitlar yaratish hamda yong‘in xavfsizligi choralarini kuchaytirish bo‘yicha zaruriy ko‘rsatmalar berib o‘tildi.
Yig‘ilishda kelgusida bajarilishi lozim bo‘lgan ishlar yuzasidan tadbirlar rejasi belgilab olindi.
Yig‘ilish yakunida 2016 yilda samarali mehnat qilgan, diniy sohada namunali xizmat qilgan, shuningdek, “Hidoyat” jurnali va “Islom nuri” gazetasiga obuna bo‘lishda faollik ko‘rsatgan fidoiy imom-xatiblar “Maqtov yorlig‘i” va esdalik sovg‘alari bilan taqdirlandilar.



O‘zbekiston musulmonlari idorasi
Masjidlar bo‘limi
Uch kun davomida muborak zaminda bo‘lgan hamyurtlarimiz, xususan, "Prezident hojilari" Rasul alayhissalom shahri — Madinai munavvarada toat-ibodat va shukronalik ila vaqt o‘tkazdilar. Ziyoratchilarimiz dastlab Masjidul Nabaviyda, so‘ng Ravzai sharifda Rasululloh sollallohu alayhi vasallamga salovot va salomlarini yetkazishdi.
Ishchi guruhi va ellikboshilar hamrohligida yurtdoshlarimiz Madinadagi tabarruk maskanlarni ham ziyorat qilishdi. Ilk manzil Islom tarixida mashhur Uhud tog‘i, keyin birinchi qurilgan “Qubo” masjidi bo‘ldi.
Imom-domlalar bo‘lg‘usi hojilarimiz, jumladan, "Prezident hojilari"ga tabarruk joylar fazilati, bu makonlarning Islom tarixida tutgan o‘rni va insonlar ruhiy-ma’naviy olamini yanada boyitishdagi o‘rni haqida go‘zal ma’ruzalar qilishdi. Shuningdek, ushbu safardan har kim ibrat olishi lozimligini ta’sirli voqealar va hayotiy misollar bilan tushuntirildi.
Tabarruk qadamjolarda chin ixlos bilan el-yurt tinchligi, xalqimiz farovonligi va farzandlar baxtu kamolini so‘rab xayrli duolar qilishdi.
Shundan so‘ng Madina shahridagi eng so‘nggi guruhlar ziyoratchilari ham Makka shahri tomon yo‘lga chiqdilar.
O‘zbekiston musulmonlari idorasi
Matbuot xizmati