2016 yil 3 noyabr kuni “Jo‘ybori Kalon” ayol-qizlar o‘rta maxsus islom bilim yurtida “FIQH – mashaqqatu qiyinliklardan najot beruvchi qo‘rg‘ondir” mavzusida intellektual bellashuv bo‘lib o‘tdi. Bellashuvni 2016 yilning “Eng yaxshi uslubchisi” bo‘lgan bilim yurti fiqh fani mudarrisasi Husnugul Halimova tashkillashtirdi.
Bellashuvda bilim yurti 3-kurs, 2-a va 2-b guruh talabalari o‘zaro bellashishdi. Ushbu tadbirga Buxoro Davlat Universiteti tarix fani kafedrasi katta o‘qituvchisi Mavjuda Oripova tashrif buyurib, bilim yurti faxriy ustozlari Aziza Xalilova va Oliya Mahmudova bilan bellashuvga hakamlik qilishdi.
Har bir shart juda qizg‘in fiqhiy masalalar, hayotiy muammolarni yechimini topish va ba’zi ixtilofiy masalalarni o‘rganish va ularga raddiyalar orqali guruh a’zolarining javob berishlari kuzatildi. Tajribali ustoz izlanishlari samarasi o‘laroq bellashuv juda fayzli o‘tdi.
Bellashuv natijalariga ko‘ra
Bellashuvda faol ishtirok etgan talabalar faxriy yorliq va esdalik sovg‘alari bilan taqdirlandilar.

Maxfuza BOZOROVA,
“Jo‘ybori Kalon” ayol-qizlar o‘rta maxsus islom
bilim yurti Hadis fani o‘qituvchisi
Shu yil 24 mart kuni Andijon, Farg‘ona va Namangan viloyatlaridan saralab olingan guruh rahbarlari uchun maxsus o‘quv seminari bo‘lib o‘tdi. Ushbu tadbir “Haj – 2026” mavsumini yuqori saviyada, namunali va tartibli tashkil etish, ziyoratchilarimizga munosib sharoitlar yaratish maqsadida tashkil etildi.
O‘quv mashg‘ulotlarini Namangan viloyati bosh imom-xatibi Abdulloh domla Samadov, Din ishlari bo‘yicha qo‘mita bo‘lim boshlig‘i Bobomurod Rustamov va O‘zbekiston musulmonlari idorasi Haj va umra tadbirlarini tashkil etish markazi direktori Maqsud Karimov olib borishdi.
Yig‘ilish davomida notiqlar guruh rahbarlariga yaqinlashib kelayotgan haj mavsumining tashkiliy ishlari, unga doir eng muhim vazifalar va mas’uliyatli jihatlari alohida tushuntirib o‘tildi. Xususan, ziyoratchilarga Islomning beshinchi rukni bo‘lgan haj ibodatiga puxta tayyorgarlik ko‘rish, haj amallarini ado etishning tartib-qoidalari va muborak qadamjolarni ziyorat qilish odoblari xususida so‘z yuritildi.
Shuningdek, soha mutasaddilari guruh rahbarlariga haj safariga doir amaldagi qonunchilik va boshqa me’yoriy hujjatlarni ham puxta bilish, ziyoratchilar bilan ishlashda doimo xushmuomala bo‘lish, o‘zaro yordam muhitini shakllantirish muhimligiga urg‘u qaratishdi.
Seminar yakunida ishtirokchilarni qiziqtirgan savollarga atroflicha javob berildi. Shuningdek, kelgusida Fatvo markazi ulamolari bilan haj ibodatiga oid shar’iy masalalar bo‘yicha dars mashg‘ulotlari olib borish reja qilindi.
O‘zbekiston musulmonlari idorasi
Matbuot xizmati