Erta tongdan Madina shahridan Makkai mukarramaga yo‘lga chiqqan Qashqadaryolik hojilarimiz eson-omon yetib keldilar. Ularni ishchi guruh vakillari kutib olib, mehmonxonaga joylashtirdilar. Ziyoratchilarimiz tashkiliy ravishda guruh rahbarlari boshchiligida Umra amalini Harami sharifda ado etdilar va muhtaram Yurtboshimizning oxiratlari obod bo‘lishini hamda yurtimizning tinchligi va osoyishtaligi hamda xalqimiz yanada farovon bo‘lishini Alloh taolodan so‘rab duolar qildilar.
Hozirda hojilarimiz sog‘ va salomatdirlar.
Saudiya Arabistoni, Makka shahri
“IQNA” saytining “Maspero” nashriga tayanib xabar berishicha, Misr milliy matbuot tashkiloti rahbari, yozuvchi Ahmad al-Muslimaniy Misrdagi taniqli qorilarining fotosuratlari, qo‘lyozmalari, shartnomalari, yozib olingan qiroatlari va ularga tegishli bo‘lgan ashyolarni o‘z ichiga olgan “Qur’on qorilari muzeyi” tashkil etilishini ma’lum qildi. Uning aytishicha, muzey Qur’oni karim radio tarmog‘iga aloqador bo‘lib, unga “Maspero” radio va televideniye binosida maxsus joy ajratilgan.
Al-Muslimaniyning so‘zlariga ko‘ra, muzeyga eng ko‘zga ko‘ringan nufuzli Qur’on karim qorilarining oilalari bilan yangi muzey uchun qorilarga tegishli ashyolarni yig‘ish uchun munosabatlar o‘rnatilgan. Muzey taqdim etilgan ashyolar ko‘rgazmaga qo‘yilganidan keyin tartibga keltiriladi va ommaga tashkillashtirilgan tashriflar uchun faoliyatini boshlaydi.
Ilyosxon Ahmedov tayyorladi