Bugun, chorshanba kuni O‘zbekiston musulmonlari idorasida fuqarolarning navbatdagi qabuli bo‘lib o‘tdi. Unda rais o‘rinbosari Muhammadolim domla Muhammadsiddiqov yurtimizning turli hududlaridan tashrif buyurgan yurtdoshlarimizning murojaatlari, fikr va mulohazalarini tingladi.

Qabul davomida shar’iy hukmlar, oilaviy masalalar, moddiy yordam so‘rovlari kabi mavzular tegishli tartibda ko‘rib chiqilishi belgilandi. Shuningdek, fuqarolar tomonidan masjidlarni obodonlashtirish, yoshlar o‘rtasida ilmiy-ma’rifiy targ‘ibot ishlarini kuchaytirish yuzasidan bildirilgan takliflar ham qayd etildi.

Vakolat doirasidagi masalalar bo‘yicha mas’ul xodimlarga topshiriqlar berildi va fuqarolar murojaatlarini hal etish bo‘yicha choralar ko‘rildi.

O‘zbekiston musulmonlari idorasi
Matbuot xizmati