Joriy yil 25-26-iyul kunlari Rossiya Federatsiyasi musulmonlari diniy boshqarmasi tomonidan Qozon shahrida tashkil etilayotgan “Ma’naviy ipak yo‘li: Katta Yevroosiyo makonida an’anaviy qadriyatlarning ma’nosi” mavzusidagi V xalqaro ilmiy-teologik konferensiyasi bo‘lib o‘tmoqda.

Ushbu konferensiyada O‘zbekiston Respublikasi Prezidentining Din va millatlararo munosabatlar masalalari bo‘yicha maslahatchisi o‘rinbosari O.Saliyev, Din ishlari bo‘yicha qo‘mita raisining birinchi o‘rinbosari D.Maxsudov, O‘zbekiston musulmonlari idorasi raisi o‘rinbosari M.Muhammadsiddiqov hamda O‘zbekiston xalqaro islom akademiyasi rektori U.G‘afurov ishtirok etmoqda.

Konferensiyada “Ma’naviy ipak yo‘li: Katta Yevroosiyo hududida an’anaviy qadriyatlarning ahamiyati”, “Katta Yevroosiyo xalqlari: kundalik diniy hayotning zamonaviy etnografik tadqiqotlari”, “Qur’onning zamonaviy islom madaniyati va ta’limda aks etish shakllari” kabi mavzular muhokama qilinishi rejalashtirilgan.

Ma’lumot uchun, Ushbu konferensiyada Rossiya, Xitoy, Qirg‘iziston, Qozog‘iston, O‘zbekiston, Tojikiston, BAA, Bahrayn, Qatar, Hindiston, JAR, Efiopeya, Braziliya, Xitoy, Eron, Misr, Belorus, Mongoliya davlatlarining musulmon diniy idoralari, tegishli tashkilotlari hamda ekspertlari ishtirok etmoqda.

Ushbu konferensiya dastlab 2016-yil Xitoyning Urumchi shahrida bo‘lib o‘tgan, keyinchalik, 2017-yil Qozon, 2018-yil Bishkek, 2019-yil Ostona shahrida tashkil etilgan.

O‘zbekiston musulmonlari idorasi Matbuot xizmati