O‘zbekiston musulmonlari idorasi jamoasi Toshkent tumani «Hasanboy ota» jome masjidi imom-noibi, ustoz Yahyoxon domla Turdiyevning turmush o‘rtog‘i vafoti munosabati bilan u kishining oila a’zolari va yaqinlariga chuqur ta’ziya izhor etadi.
Alloh taolo marhuma onaxonni O‘z mag‘firatiga olsin, iymonlari va solih amallarini o‘zlariga hamroh aylasin. Oxiratlarini obod etib, joylarini Firdavs jannatlaridan qilsin!
Haq taolo marhuma onaxonning ahli oilasi, farzandu arjumandlari va yaqinlariga chiroyli sabr berib, bu musibatlarini yaxshiliklar ila to‘ldirsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan marhuma onaxonning yaqinlariga, xususan, Yahyoxon domlaga hamdardlik bildiramiz.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi
Bugun, 22 iyul kuni O‘zbekiston musulmonlari idorasida mamlakatimiz diniy-ma’rifiy hayotidagi muhim voqea – Imom Buxoriy nomidagi Toshkent islom institutining ilk magistrantlariga diplom topshirish marosimi bo‘lib o‘tadi.
Tadbirda davlat va jamoat tashkilotlari vakillari, taniqli ulamolar, imom-xatiblar, ustoz-talabalar va OAV xodimlari ishtirok etadi.
E’tiborlisi, Toshkent islom instituti tarixida ilk bor 2024 yilda tashkil etilgan magistratura bosqichini iqtidorli talabalar muvaffaqiyatli tamomladi.
Marosim "Hazrati Imom" jome masjidi yonidagi O‘zbekiston musulmonlari idorasi binosining katta majlislar zalida bo‘lib o‘tadi.
Tadbir tafsilotlari va bitiruvchilarga kutilmagan xushxabarlarni sahifalarimiz orqali kuzatib boring.
O‘zbekiston musulmonlari idorasi Matbuot xizmati