Shu yilning 20 yanvar kuni Samarqand viloyati Pastdarg‘om tumanida sayyor yig‘ilish bo‘lib o‘tdi. Unda viloyat bosh imom-xatibi o‘rinbosari Xayrullo domla Sattarov, tuman hokimi Sh.Rahmonov, shahar va tuman imom-xatiblari, "Haj – 2025" ziyoratchilari hamda mahalla faollari ishtirok etdi. 
 

Tadbir doirasida kam ta’minlangan va boquvchisini yo‘qotgan oilalar holidan xabar olinib, bemorlar ziyorat qilindi, ma’naviy qo‘llab-quvvatlash va duolar yetkazildi. Shuningdek, ayrim fuqarolar bilan tarbiyaviy suhbatlar o‘tkazildi.

Yig‘ilish yakunida masjidlarda ma’naviy-ma’rifiy ma’ruzalar qilindi, yurt tinchligi va xalq farovonligi yo‘lida duolar qilindi. Tuman hokimi amalga oshirilayotgan ezgu ishlarga yuksak baho berdi.

O‘zbekiston musulmonlari idorasi
Samarqand viloyat vakilligi
Matbuot xizmati