O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan azon va iqoma bo‘yicha ijoza berish an’anasi yo‘lga qo‘yildi. Ushbu ezgu tashabbus doirasida 2026 yil 21 yanvardan boshlab “Qur’oni karim va tajvid” o‘quv kurslari o‘qituvchilari hamda oliy va o‘rta islom ta’lim muassasalari ustozlari uchun “Azon darslari” tashkil etildi. 

Bugun “Qur’on va tajvidni o‘rgatish” bo‘limida mutaxassislarni azon va iqoma bo‘yicha ijozaga tayyorlash maqsadida amaliy mashg‘ulotlar boshlandi. Darslar bo‘lim boshlig‘i Shayx Alijon qori Fayzulloh Maxdum rahbarligida o‘tkazilmoqda.

Darslarda Toshkent islom instituti va “Ko‘kaldosh” madrasasi qoshidagi “Qur’oni karim va tajvid” o‘quv kurslari o‘qituvchilari hamda mazkur ta’lim muassasalari ustozlari ishtirok etdi. Tinglovchilarning azon va iqoma bo‘yicha mahorati yakka tartibda baholanib, zarur tavsiyalar berildi.

Mashg‘ulotlar yakunida tinglovchilarga azon va iqoma bo‘yicha ijoza guvohnomalarini topshirish rejalashtirilgan.

O‘zbekiston musulmonlari idorasi
Matbuot xizmati