S.Jannatdan yerga tushgan bir parcha narsa?
J.Ka’badagi Qora tosh.
S.Ka’bani birinchi tavof qilganlar kim?
J.Farishtalar.
S.Qavmining hammasi imonga kelgan payg‘ambar qaysi?
J.Yunus alayhissalom.
S.Vafotida Arsh larzaga kelgan sahobiy kim?
J.Sa’d ibn Mu’oz raziyallohu anhu.
S.Rasululloh sallallohu alayhi vasallamning ayollaridan eng oxirgi vafot etgani kim?
J.Ummu Salama raziyallohu anho onamiz.
S.Tug‘magan ona kim?
J.Ummul quro “Makka” (shaharlarning onasi).
S.Namrud yoqqan olovning ichida Ibrohim alayhissalom qancha muddat qoldilar?
J.Yetti kun.
S.Nima uchun Odam alayhissalomga odam deb ism qo‘yildi?
J.Tuproqlari yerning yuza qatlamidan olingani uchun. Narsaning yuzasi arab tilida “adiym” deyiladi.
S.Nima uchun Havvo onamiz bunday ism bilan nomlandilar?
J.Tirik (hayot) narsadan yaratilganlari uchun. Ya’ni Havvo “hayot”dan olingan. Odam alayhissalomning tirik organizmidan yaratilgan.
S.Arafot tog‘i nima uchun bunday nom bilan atalgan?
J.Odam va Havvo jannatdan yer yuziga tushganlarida birinchi bor shu tog‘da uchrashganlar. “Arafa” arab tilida tanidi, bildi degan ma’nolarni anglatadi. 
S.Arablarning momosi deb nomlangan ayol kim?
J.Ismoil alayhissalomning onalari Bibi Hojar onamiz.
S.Qur’onda nechta sajda oyati bor?
J.O‘n to‘rtta.
S.Shayton eshitganida yig‘laydigan sura qaysi?
J.Alif lom mim Sajda surasi.
 

Homidjon domla ISHMATBЕKOV