Azizlarni xor qilar damlaring qolgan bo‘lsa,
Qaniydi, ey zamon, u kunlaring yonib bitsa!

Foydasiz jurnallar, ochiq suratlar, saviyasiz fikrlar, dahriylikka chorlovchi kitoblar va axloq qoidalariga zid rivoyatlar bilan vaqtingizni o‘ldirishdan saqlaning. Siz islomiy jurnallar, foydali kitoblar va insonning dunyo va oxiratiga manfaat beradigan maqolalarni o‘qing. Chunki ba’zi kitob va maqolalar borki, ular insonda shubha-gumon paydo qiladi va qalbga g‘ulg‘ula solib qo‘yadi. Bularning ba’zilari bizga chetdan kirib kelayotgan buzuq “ommaviy madaniyat“ asoratlaridir.

Shuni bilingki, Alloh taolo barcha narsani biladi. U zot g‘am-tashvishni yengillashtiradi, shunday ekan, Unga duo qilishda bardavom bo‘ling. Ushbu duoni doimiy takrorlab yuring: “Allohim, g‘am va mahzunlikdan Sendan panoh so‘rayman. Sendan ojizlik va dangasalikdan, baxillik va qo‘rqoqlikdan, dinim og‘ir kelishidan va zolimlar g‘olib bo‘lishidan panoh so‘rayman”.

Agar siz hadisda kelgan ushbu duoni doimo o‘qib, uning ma’nolarini chuqur ta’ammul qilsangiz Alloh sizdan g‘am-anduhingiz va tashvishingizni ketkazadi.

Shu’la: Har soniyangiz bir tasbeh, daqiqangiz bir g‘oya va har soniyangiz bir amal bo‘lsin.

Doktor Oiz al-Qarniyning
"Dunyodagi eng baxtli ayol" kitobidan