Shu kunlarda Samarqand viloyat bosh imom-xatibi Zayniddin domla Eshonqulov boshchiligida Pastdarg‘om tumani “Imom ota” jome masjidi hududida “Yashil makon” umummilliy loyihasi doirasida tadbir tashkil qilindi.
Tadbir davomida masjid hududidagi bo‘sh yer maydoniga 200 tub manzarali daraxt ko‘chatlari ekildi. Unga mahalla mas’ullari va 100 dan ziyod masjid jamoasi o‘z hissasini qo‘shdilar. Daraxt ekish ishlari yakuniga yetganidan so‘ng, ushbu boqqa “Ramazon tuhfasi” nomi berildi.
Bundan tashqari, Samarqand shahar “Afrosiyob” yonbag‘rida “Meros Farm” korxonasi homiyligida 1000 tub gilos daraxti ko‘chatlarini ekish ishlarini boshlab berdilar.
Kunning ikkinchi yarmida Payariq tumanida tashkil qilingan “Imom Buxoriy avlodlari” bog‘ida ham mazkur yo‘nalishdagi hasharlar tashkil qilindi. Ushbu tadbir davomida mazkur boqqa 50 tub daraxt ko‘chatlari ekildi.

O‘MI Samarqand viloyat vakilligi matbuot xizmati