Avval xabar berganimizdek, joriy yilning 11–16 noyabr kunlari yurtimiz bo‘ylab Bag‘rikenglik haftaligi o‘tkaziladi.
Ushbu haftalik doirasida mamlakatimizda millatlararo totuvlik va diniy bag‘rikenglikni ta’minlash borasida amalga oshirilayotgan ishlar yuzasidan "O‘zbekiston – bag‘rikeng diyor" mavzusida Xalqaro press-klub bo‘lib o‘tdi.
Unda bir qator tashkilotlar, milliy madaniy markaz rahbarlari va konfessiya vakillari ishtirok etdi.
Spikerlar tomonidan mamlakatimizda olib borilayotgan millatlararo totuvlik va diniy bag‘rikenglik siyosatiga yuqori baho berib, yurtimizda keng nishonlanadigan "Bag‘rikenglik haftaligi" doirasida bo‘lib o‘tadigan tadbirlar xalqlarimiz orasidagi do‘stlik rishtalarining rivoj topishiga, millatlararo totuvlik va diniy bag‘rikenlik munosabatlarini yanada mustahkamlashga xizmat qilishi ta’kidlandi.
O‘zbekiston musulmonlari idorasi
Matbuot xizmati
O‘zbekiston musulmonlari idorasi Xorazm viloyati vakili Xayrulla domla Abdullayev tomonidan bir guruh faxriy ustozlar — Hoshimjon domla Sobirov, Shayxmuhammad domla Allayarov, Bokibulloh domla Atagullayev va boshqa ustozlar holidan xabar olinib, ularga sovg‘a va salomlar taqdim etildi.
Shuningdek, sohada faoliyat yuritgan barcha faxriy ustozlar xotirlanib, uylaridan xabar olindi, Qur’oni karim tilovat qilindi va ularning ruhi pokiga duolar qilindi.
Zamaxshariy.uz