Sayt test holatida ishlamoqda!
23 May, 2025   |   25 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:19
Quyosh
04:58
Peshin
12:25
Asr
17:29
Shom
19:45
Xufton
21:18
Bismillah
23 May, 2025, 25 Zulqa`da, 1446
Avvalgi sayt
#search
 YouTube
Maqolalar

Bemorga yordam berish uchun namozni buzish

19.11.2024   5050   1 min.
Bemorga yordam berish uchun namozni buzish

Cavol: Jamoat namozida ba’zan namozxonlardan birining tobi qochib, yiqilib, unga yordam ko‘rsatish kerak bo‘ladi. Shu holatda boshqa namozxon unga yordam berishi uchun namozini buzishi mumkinmi?

Javob: Bismillahir Rohmanir Rohiym. Ha, bunday holatda namozni buzishga ruxsat berilgan. Bu haqda “G‘unyatul mustamliy” kitobida shunday deyiladi:

“Og‘ir ahvolga tushib qolgan insonga yordam berish, balanddan tushib ketish, g‘arq bo‘lish, yong‘in kabi halokatga sabab bo‘ladigan ishlardan qutqarish uchun namozni buzishga ruxsat bor. Shuningdek, o‘zining yoki o‘zganing bir dirham (bugungi kunda taxminan ikki yuz ming)ga teng moli yo‘qolishdan xavf qilsa ham namozni buzish mumkin”.

Hatto “Raddul muhtor” kitobida “Cho‘kayotgan, yong‘in ichida qolgan, ahvoli og‘irlashgan kishini qutqarish uchun namozni buzish vojib bo‘ladi”, deyilgan.

Demak, namozda biror kishining tobi qochib yiqilsa, uning yonidagi kishilar unga yordam berish uchun namozini buzishi kerak bo‘ladi. Chunki shariatning maqsadlaridan biri inson jonini muhofaza qilishdir. Vallohu a’lam.

O‘zbekiston musulmonlari idorasi
Fatvo markazi

Maqolalar
#logo
Boshqa maqolalar
Yangiliklar

Xalqqa kamarbasta bo‘lish – ezgu amal

22.05.2025   5549   1 min.
Xalqqa kamarbasta bo‘lish – ezgu amal

Bugun Urganch shahar bosh imom-xatibi Hasanboy domla Kenjayev boshchiligida Gurlan tumanidagi “Usmon Said bobo” jome masjidida ma’naviy-ma’rifiy yig‘ilish o‘tkazildi.
 

Unda imom-xatiblar, vakillik xodimlari, tuman bosh imom-xatiblari va otinoyilari, shuningdek, “Haj – 2024” ziyoratchilari, mahalla raislari ishtirok etdi.


So‘ngra hududdagi oilalarga kirilib, ehtiyojmand, boquvchisini yo‘qotgan, kam ta’minlangan, nogironligi bor oilalar holidan xabar olindi. Ayrim sabablarga ko‘ra arazlashib qolgan oilalar imomlar, hojilarning hayot tajribasidan kelib chiqqan gaplaridan ta’sirlanib, yarashib oldilar.


Shuningdek, adashib aqidasi buzuq kimsalar tuzog‘iga tushib qolgan fuqarolar bilan ham suhbatlar o‘tkazilib, ularga islomning sof ta’limoti haqida ma’lumotlar berildi.


Bunday xayrli ishlar, ya’ni xalqqa xizmat qilib, odamlarni rozi qilish, Haqning roziligiga sabab bo‘ladi, inshoalloh.


So‘ngra imomlarning yo‘nalishga doir amalga oshirgan ishlari ko‘rib chiqildi.


Xayrli duolar bilan tashrif o‘z nihoyasiga yetdi. 

O‘zbekiston musulmonlari idorasi

Xorazm viloyati vakilligi

Matbuot xizmati

Xalqqa kamarbasta bo‘lish – ezgu amal Xalqqa kamarbasta bo‘lish – ezgu amal Xalqqa kamarbasta bo‘lish – ezgu amal Xalqqa kamarbasta bo‘lish – ezgu amal Xalqqa kamarbasta bo‘lish – ezgu amal
O'zbekiston yangiliklari
#logo