Abu Hurayra roziyallohu anhudan rivoyat qilinadi. Rasululloh sollallohu alayhi vasallam o‘z huzurlarida Aqra’ ibn Hobis Taymiy o‘tirganida Hasan ibn Alini o‘pdilar. Shunda Aqra’:

"Mening o‘nta bolam bor. Ulardan birortasini o‘pganim yo‘q", dedi.

Shunda Rasululloh sollallohu alayhi vasallam unga nazar soldilar-da, so‘ng:

"Rahm qilmaganga rahm qilinmas", dedilar (Imom Buxoriy, imom Abu Dovud, imom Termiziy rivoyati).